Захарава, Цэскарыдзе, Увараў танцавалі тут

Источник материала:

Зоркi вялiкага балета ўпершыню выйшлi на сцэну Вялiкага тэатра оперы i балета Беларусi.

Пётр Чайкоўскi, "Лебядзiнае возера". З гэтага балета пачаўся адлiк Года культуры Расii ў Беларусi. Наўрад цi можна прыдумаць, якая яшчэ пастаноўка найлепш бы адлюстроўвала дух расiйскага балета. Таксама як i цяжка прыдумаць, якое мастацтва лепш за балет заявiла б пра ўзровень расiйскай культуры: яна па-ранейшаму па ўзроўнi балета наперадзе планеты ўсёй. Мы пра гэта ведалi, а цяпер яшчэ атрымалi магчымасць упэўнiцца на свае вочы: Дзяржаўны акадэмiчны Вялiкi тэатр Расii дагэтуль не выступаў у Беларусi. Падзея сапраўды гiстарычная.

Натуральна, каб паказаць рускi балет ва ўсёй красе, нiхто не разменьваецца — пастаноўку прывезлi ў Мiнск з усiмi дэкарацыямi ў дзвюх фурах, i з усiмi зоркамi, ушанаванымi ганаровымi званнямi, тытуламi, талент якiх прызнаны ва ўсiм свеце. У артыстаў быў час асвойтацца на новай для сябе сцэне, парэпецiраваць. Тым больш што ў iх Вялiкiм тэатры зараз таксама вядзецца рэканструкцыя...

Як высветлiлася, прыстасавацца, прывыкнуць да новых умоў асаблiва важна для Святланы Захаравай — Адэты-Адылii. Прыма Вялiкага была настроена рашуча, каб адолець сцэну Мiнскага тэатра. Расiйскiя артысты ведалi, што ён толькi адкрыўся пасля рэканструкцыi. Аднак пры гэтым яны прывезлi з сабой спецыяльнае пакрыццё на падлогу, на якiм танчыць зручна, звыкла, а галоўнае — надзейна.

Аднак галоўная засцярога ад любых нечаканасцяў — вера ў партнёра. Калi Андрэй Увараў прыехаў у Мiнск загадзя i таксама прыстасоўваўся да новых умоў, то яго антыпод на сцэне Мiкалай Цыскарыдзэ прыляцеў у Мiнск толькi напярэдаднi выступлення. Ён з тых зорак, пад якiх любая сцэна прыстасуецца сама...

Перамога дабрынi над злымi сiламi ў балеце Чайкоўскага — добры знак для адкрыцця важнай мiждзяржаўнай акцыi. Нездарма ж кажуць: як год пачнеш, так i правядзеш. I калi меркаваць па колькасцi гасцей, якiя прыехалi ў Мiнск, з расiйскай культурай мы будзем знаёмiцца грунтоўна.

На адкрыццё Года культуры ў Беларусь прыехала вялiкая дэлегацыя з Расii на чале з Мiнiстрам культуры Аляксандрам Аўдзеевым. У Нацыянальным мастацкiм музеi ён сустрэўся з беларускiм калегам Уладзiмiрам Мацвейчуком. Двум мiнiстрам было што абмеркаваць: чакаецца, што сёлета будзе падпiсана пагадненне аб культурным супрацоўнiцтве памiж нашымi дзяржавамi. Паводле дамоўленасцяў у наступным годзе сваiх суседзяў мы будзем здзiўляць сваiмi культурнымi набыткамi — падчас Года Беларусi ў Расii.