Чырвоныя пятніца i субота

Источник материала:

l У Перадвелiкодную пятнiцу, дзень, калi быў укрыжаваны Хрыстос, беларусы трымалiся самага строгага посту (ужываць ежу дазволена было толькi пажылым, дзецям i хворым).

l У Перадвелiкодную пятнiцу глядзелi на вулiцу праз вокны, прыкмячалi, каго ўбачаць першым:

— калi мужчыну, гэта прадказвала поспех на тры месяцы;

— калi сталую жанчыну, то тры месяцы будуць iсцi па чарзе няўдачы з поспехам;

— калi маладую жанчыну — тры месяцы пройдуць без складаных праблем;

— калi сям’ю — да мiру ў сям’i, да прымiрэння тых, хто пасварыўся;

— калi сабаку — да тугi, ката — да прыбытку, птушку — да новага знаёмства i добрых вестак;

— iнвалiда — да смерцi блiзкага чалавека.

l Лiчыцца, што калi чалавек захварэў у Перадвелiкодную пятнiцу (трапiў у бальнiцу), то хутка стане на ногi.

l Гэтую замову трэба было чытаць у Перадвелiкодную пятнiцу, стаўшы на каленi перад плашчанiцай Ісуса Хрыста, каб вялiся пчолы:

l Калi вы заўважылi, што ў вашай хаце робiцца штосьцi дрэннае, то трэба ў Перадвелiкодную пятнiцу пайсцi ў царкву i прынесцi дадому недагарэўшую свечку, якая была ў вас у час набажэнства. Дома запалiце яе i абыдзiце ўсе пакоi: там, дзе свечка пачне моцна трашчаць, вы знойдзеце нейкую рэч, якая звычайна i з’яўляецца сурочанай.

l Прадказвалi, якiм будзе надвор’е, па чатырох перадвелiкодных днях: чацвер — вясна, пятнiца — лета, субота — восень, нядзеля — зiма. Калi мокры чацвер, значыць i вясна будзе з дажджом, i г.д.

l Перадапошнi дзень перад Вялiкаднем называлi Краснай, Велiкоднай, Вялiкай, Чырвонай суботай. У некаторых рэгiёнах iснавала такая назва — Таўкушчы дзень.

l Самай галоўнай i адказнай справай у Вялiкую суботу было фарбаванне яек — сiмвала Вялiкадня.

l Увесь дзень да вечара ў цэрквах асвячаюць спецыяльныя велiкодныя стравы. Iх уладкоўваюць на ручнiках (абрусах), у кулiч ставяць свечку, якую запальваюць перад пачаткам асвячэння. Адно з яек неабходна напалову абабраць, каб на яго трапiла асвечаная вада: "каб святасць лепш прайшла".

l Ручнiк, на якiм вы асвячалi кулiч у час велiкоднага набажэнства, добра дапамагае ад сурокаў, калi насiць яго на сабе.

l Згодна з народнымi ўяўленнямi, калi не спаць ноч на Вялiкдзень, вы будзеце захаваныя ад хваробаў, забяспечыце сабе шчаслiвы шлюб, багаты ўраджай i поспех.