У Бабруйску абакралi царкву

Источник материала:

20 красавiка, на другi дзень Вялiкадня, у мiлiцыю звярнуўся айцец Іаан, настаяцель Свята-Стрэчанскай праваслаўнай царквы на вулiцы Ульянаўскай у Бабруйску. Напярэдаднi ўвечары царкву зачынiлi, але ранiцай убачылi, што пабiта аконнае шкло i знiклi срэбныя вырабы — крыжыкi, ланцугi i пярсцёнкi, увогуле на суму 8 мiльёнаў рублёў. Мiлiцыя шукае злодзея-бязбожнiка.

5377 кантрафактных DVD-дыскаў агульным коштам каля 70 мiльёнаў рублёў выявiлi супрацоўнiкi дзяржбяспекi i мiлiцыi на гродзенскiм рынку "Карона". "Левая" прадукцыя з запiсамi розных фiльмаў прадавалася ў пяцi пунктах гэтага вельмi папулярнага сярод жыхароў i гасцей горада над Нёманам гандлёвага прадпрыемства. Кантрольных знакаў на частцы дыскаў наогул не было, а на iншых былi iдэнтыфiкацыйныя знакi ад ... абутку.

У краме "ТЭХНА", што ў Баранавiчах, нехта ўкраў тэлевiзар з вадкакрышталiчным экранам. Тэлевiзар стаяў на вiтрыне, а затым знiк, i нiхто напачатку не звярнуў на гэта ўвагi. А калi спахапiлiся, то было позна — знiк i тэлевiзар, i злодзей.

У Баранавiчах на грамадзянак Расii, якiя здымалi кватэру па вул. Фралянкова, напалi невядомыя. Жанчыны забылiся зачынiць дзверы, i рабаўнiкi свабодна зайшлi ў кватэру, звязалi iх i забралi сем з паловай тысяч расiйскiх рублёў.

А пенсiянерка з Пiнска таксама не зачынiла дзверы хлява пры сваёй хаце ў в. Маразовiчы, i адтуль вывезлi торфабрыкет, металiчную агароджу...

Калi ў першым выпадку рабаўнiкоў шукаюць, то ў другiм злодзеем быў мясцовы 22-гадовы жыхар.

27-гадовы гамяльчанiн нарэшце зразумеў, што яго абулi ў лапцi. Хаця спачатку ён разлiчваў на аўтамабiльныя колы, зразумела, разам з машынай. Больш чым тры месяцы таму на рынку Бакунiнскi ў Гомелi ён аддаў 10 тысяч долараў ЗША непрацуючаму грамадзянiну 1986 года нараджэння. Той паабяцаў прыгнаць з-за мяжы жалезнага каня. Дзе ён пасецца да гэтага часу, цяпер будзе высвятляць мiлiцыя.

Мiлiцыя выявiла асобаў, якiя падазраюцца ў падпале льнотрасты на Чавускiм льнозаводзе: тры дзяўчынкi — вучанiцы 2, 3 i 4 класаў, i з iмi 6-гадовы хлопчык з дзiцячага садка. Паводле папярэднiх звестак, дзецi на тэрыторыi завода забаўлялiся з запалкамi: узялi невялiкi жмут льнотрасты, падпалiлi i зрабiлi вогнiшча. Вецер стаў хутка разносiць полымя, малыя спужалiся i збеглi.

Нагадаем, што пажарам 19 красавiка на заводзе знiшчана 75 тон iльнотрасты на суму каля 34-х мiльёнаў рублёў.