Прыёмны час урача прызначаны толькi для пацыентаў

Источник материала:

Упарадкаваць наведванне арганiзацый аховы здароўя прадстаўнiкамi фармацэўтычных фiрмаў вырашыла Мiнiстэрства аховы здароўя — адпаведны лiст за подпiсам мiнiстра аховы здароўя Васiля Жарко атрымалi начальнiкi ўпраўленняў аховы здароўя аблвыканкамаў, старшыня Камiтэта па ахове здароўя Мiнгарвыканкама i кiраўнiкi рэспублiканскiх арганiзацый аховы здароўя.

Цяпер усе наведваннi работнiкамi фармацэўтычных фiрмаў медыцынскiх устаноў i распаўсюджванне iмi рэкламных матэрыялаў могуць ажыццяўляцца толькi па ўзгадненнi з яго кiраўнiком. А для таго, каб урачы ўсё ж такi атрымлiвалi карысную iнфармацыю аб новых лекавых сродках, прапануецца задзейнiчаць для гэтага вытворчыя нарады, канферэнцыi i "пяцiхвiлiнкi". Галоўнае, каб прамоўтары не адцягвалi ўвагi ўрача ад пацыентаў.

У Мiнiстэрстве аховы здароўя i раней не хавалi сваёй заклапочанасцi не заўсёды этычным прасоўваннем сваёй прадукцыi замежнымi кампанiямi, якая выяўлялася ў прамым цi ўскосным стымуляваннi ўрачоў i фармацэўтычнымі работнiкаў, каб тыя пры прызначэннi i выдачы рэкамендацый захоўвалi iнтарэсы толькi пэўных вытворцаў. Але ў такой "звышактыўнасцi" фармацэўтычных кампанiй быў i яшчэ адзiн малапрыемны бок: пацыенты пачалi скардзiцца ў мiнiстэрства, што вiзiты прадстаўнiкоў фармiндустрыi адбiраюць ва ўрача той час, якi медыцынскi работнiк павiнен быў выдзелiць для стасункаў з пацыентамi. Не сакрэт, што ўрачы пярвiчнага звяна i так лiтаральна задыхаюцца ад нагрузак. Таму для пацыентаў увядзенне абмежавальных мераў на наведванне фармацэўтычнымі прадстаўнiкамi ўрачоў падчас прыёмных гадзiн адназначна пойдзе на карысць. Але многiя медыкi негатыўна паставiлiся да ўвядзення забароны, хоць бы таму, што iнфармацыю аб усiх навiнках у галiне фармакалогii яны атрымлiвалi раней менавiта ад фармвытворцаў. З-за сваёй загружанасцi радавыя ўрачы не маюць часу, каб чытаць спецыялiзаваную лiтаратуру, мiж iншым, фармакалагiчная галiна iмклiва развiваецца. Цяпер iм застаецца спадзявацца на службу клiнiчных фармаколагаў, якая пачала стварацца ў Беларусi.

Дарэчы, у Польшчы ўвядзенне аналагiчнай забароны прывяло да таго, што скаргi пачалi пiсаць самi ўрачы, спрабуючы адстаяць свае правы на атрыманне карыснай iнфармацыi, не выходзячы з уласнага кабiнета...