Жыццё за жыццё

Источник материала:

Злачынцаў, якiя здзейснiлi серыю забойстваў пажылых грамадзян у Драгiчынскiм раёне, чакае суровая расплата.

Першы, 1978 года нараджэння, прыгавораны да смяротнага пакарання. На яго рахунку 6 забойстваў i сем разбояў (адзiн з iх у Гродзенскай вобласцi). У дачыненнi да другога суд вырашыў прымянiць такую меру пакарання, як пажыццёвае заключэнне. Мужчына 1981 года нараджэння здзейснiў 4 забойствы i столькi ж разбояў.

— Прычым 4 забойствы i 4 разбоi яны здзейснiлi разам у складзе арганiзаванай злачыннай групы, — удакладнiла старшы памочнiк пракурора Брэсцкай вобласцi Вольга ДЗМІТРУК. — На крывую сцяжынку мужчыны цыганскай знешнасцi ступiлi, каб завалодаць маёмасцю пацярпелых. Прыгавор яшчэ не ўвайшоў у сiлу i можа быць абскарджаны.

У суды Мiнска за першае паўгоддзе пададзена 115 iскаў аб высяленнi грамадзян, якiя маюць запазычанасць па аплаце жыллёва-камунальных паслуг. Пра гэта паведамiў генеральны дырэктар ГВА "Мiнская гарадская жыллёвая гаспадарка" Уладзiмiр Рэянтовiч на аператыўнай нарадзе ў Мiнгарвыканкаме. Акрамя таго, пададзена 2911 iскавых заяў аб утрыманнi пратэрмiнаванай запазычанасцi з зарплаты тых, хто не плацiў па рахунках больш за два месяцы. Усяго такiх мiнчан сёння 2947, вось толькi знайсцi 36, якiя засталiся, камунальнiкам не ўдалося, таму што няпамятлiвыя грамадзяне не жывуць па месцы рэгiстрацыi.

Уладзiмiр Рэянтовiч адзначыў, што сталiчныя камунальнiкi актывiзавалi работу з даўжнiкамi. За першае паўгоддзе гэтага года яны правялi фактычна столькi ж мерапрыемстваў, як за 9 месяцаў 2008-га. У вынiку дамаглiся неблагога вынiку. За жыллёва-камунальныя паслугi, атрыманыя ў маi, мiнчане цалкам разлiчылiся. Усяго ў чэрвенi сабрана 646 мiльёнаў рублёў, прычым у гэту суму ўвайшлi не толькi аплачаныя майскiя жыроўкi. Некаторыя жыхары сталiцы вярнулi даўгi за папярэднiя месяцы.

Пры затрыманнi браканьер збег з месца здзяйснення правапарушэння, аднак па наяўных фотаматэрыялах быў знойдзены.

Не падпарадкаваўся супрацоўнiкам Полацкай мiжрайiнспекцыi i работнiк ТАА "Лiнкор-гандаль", якi для абсталявання месца адпачынку здзейснiў незаконную высечку ў прыродаахоўнай зоне возера Вяркудскае Ушацкага раёна. Парушальнiк быў у нецвярозым стане, лаяўся, адмаўляўся назваць сябе, спрабаваў уцячы. Супрацоўнiк мiлiцыi, якi суправаджаў дзяржiнспектараў пры правядзеннi прыродаахоўнага рэйду, мусiў выкарыстаць наручнiкi. Парушальнiк быў дастаўлены ў медвыцвярэзнiк.

У абодвух выпадках на парушальнiкаў было складзена па некалькi адмiнiстрацыйных пратаколаў, у тым лiку за непадпарадкаванне службовай асобе пры выкананнi ёю службовых паўнамоцтваў.

Так, вадзiцель Клецкага лясгаса з дапамогай ластаў i маскi паспеў налавiць 113 асобiнаў рака. А менеджар аднаго са сталiчных ТАА ў забаронены час, забароненым спосабам здабыў аж 160 вузкапалых ракаў. Тут трэба нагадаць, што з 15 кастрычнiка па 15 лiпеня лоўля вузкапалага рака забаронена. Такiм чынам прыродным рэсурсам браканьеры нанеслi ў абодвух выпадках урон у асаблiва буйным памеры. У дачыненнi да вадзiцеля ўжо ўзбуджана крымiнальная справа, у дачыненнi да менеджара гэта пытанне разглядаецца.