12 лiпеня ПЁТР І ПАВЕЛ, ПЯТРЫ I ПАЎЛЫ,

Источник материала:

ПЯТРОЎ ДЗЕНЬ, ПЯТРОЎКI,ПЁТР — РЫБАЛОЎ,ПЯТРОК, ПЯТРА, ПЯТРОЎКА

Пётр i Павел спёкi дадалi.

У Пятроўку суха i дзень вялiкi.

Дзень памяншаецца, спякота павялiчваецца.

Худы парсюк i ў Пятроўку мерзне.

Прыйдзе Пятрок (12 лiпеня) — адарве лiсток, а Iлля (2 жнiўня) прыйдзе i па два адарве.

Прыйшоў Пятрок — апаў лiсток, прыйдзе Iлля — ападзе два, а як прыдзе Спас, то скiне i ўсiх нас.

Пётр i Павел час прыбавiў, Iлля прарок (2 жнiўня) два адабраў.

Калi пасля Пятрова дня салоўка спявае яшчэ больш за 4 днi, то зiма пачынаецца пасля Пакравоў (14 кастрычнiка).

Каля зязюля закуе пасля Пятрова дня, значыць, лета будзе добрае, працяглае i снег не хутка ляжа.

Калi дождж на Пятра — жнiво будзе мокрае.

Калi Петра з Паўлам плачуць — дык людзi i праз тыдзень сонца не ўбачуць.

Калi на Пятра дождж, то на Новы год будзе страшная мяцелiца.

l Моладзь напярэдаднi Пятра ўсю ноч праводзiла ў лесе — "сустракала" сонца, палiла вогнiшча да самага ўзыходу сонца, спявала, вадзiла карагоды. Увогуле ў гэту ноч шмат забаўлялiся: рабiлi перашкоды на дарогах, пужалi выпадковых прахожых. На свiтаннi iшлi ў такiя месцы, адкуль было добра вiдаць узыход сонца. Падчас узыходу сонца спявалi песнi, усхваляваныя прыгажосцю гэтага моманту.

l Сырам i малаком частавалi пастухоў у гэты дзень, каб каровы заўсёды былi з малаком.

l Святыя Пётр i Павел у культуры ўсходнiх славян вядомы як ахоўнiкi рыбнага промыслу. Таму ў прыбярэжных паселiшчах гэта было яшчэ адно свята рыбакоў.

l У гэты дзень было асобае стаўленне да вады. У некаторых рэгiёнах iснаваў звычай хадзiць да крынiц — ранiцай выпiць крынiчнай вады i памыцца, пакоўзацца па ранiшняй расе.

l Катэгарычна забаранялася ў Пятроў дзень купацца. У народзе свята верылi, што ў гэты дзень вада "забiрае" ахвяры Бога.

l У некаторых рэгiёнах лiчылася, што вада Пятрова дня змывае ўсе грахi, таму iшлi купацца ў рэках i азёрах.

Акрамя святочных частаванняў, гульняў i карагодаў, дзень Пятра распачынаў вялiкi цыкл сельскагаспадарчых работ.

l У Пятроў дзень самы гарачы час сенажацi.

l З Пятрова дня "зарнiца хлеб зарыць".

l Пятроўка—навознiца. З гэтага дня пачыналi вывозiць гной пад "пар".

l Добры ўраджай збожжавых прадказвала тое, калi да гэтага дня зязюля i салавей змаўкалi: "Калi высыплецца ячмень, зязюля падавiцца зернем i больш не куе".

l На Пятра ўпершыню "падкопвалi" маладую бульбу.

l Адвячоркам гэтага дня было прынята ўсёй сям'ёй збiрацца дома, а стол пакiдаць непрыбраным, каб "усе памерлыя продкi таксама разгавелiся".