Нейробiка: варушыце мазгамi

Новая дарога. Хадзiце на працу (у краму) новай, незнаёмай дарогай. Нават калi новы шлях будзе больш доўгiм, нiчога страшнага. Гэта не толькi станоўча адаб'ецца на рабоце мозга, але i дапаможа падтрымаць стройнасць.

Заплюшчаныя вочы. Вечарам не ўключайце святло ў кватэры — хадзiце па пакоях па памяцi. Гэта павышае канцэнтрацыю ўвагi. Таксама можна прымаць душ з заплюшчанымi вачыма. Па прычыне таго, што вы нiчога не бачыце, рэзка актывiзуюцца iншыя органы пачуццяў.

Змена рабочай рукi. Напрыклад, чысцiце зубы не рабочай рукой, а той, якая менш актыўная: калi вы праўша — левай рукой, калi ляўша — правай.

Новыя пахi. Купiце флакончыкi з рознымi эфiрнымi алеямi або любыя пахкiя прадметы. Кожную ранiцу, як толькi прачнулiся, удыхайце новы водар — гэта хутчэй "разбудзiць" мозг.

Мяняйце гардэроб. Насiце розныя рэчы. Вучоныя даказалi, што ў залежнасцi ад адзення ў чалавека мяняюцца не толькi яго адчуваннi, але i склад думак.

Засвойце шрыфт Брайля (сiстэма чытання i пiсьма для сляпых) i мову жэстаў. Зрабiць гэта складана, але такiя навыкi незвычайна разаўюць вашы адчуваннi. У мове жэстаў дастаткова вывучыць стандартныя фразы зносiнаў: прывiтанне, простыя пытаннi, адказы.

Манеты. Навучыцеся адрознiваць манеты рознай вартасцi толькi навобмацак. Практыкаванне карысна рабiць, калi вы каго-небудзь чакаеце.

Тэлевiзар без гуку. Адключыце гук тэлевiзара i, гледзячы на экран, спрабуйце аднавiць дыялог або маналог. Калi выконваць гэта практыкаванне з сябрамi, атрымаецца вельмi смешна i цiкава.

Жартуйце. Прыдумваць новыя жарты i анекдоты — вельмi займальна i карысна для мозга. Гэта не толькi стымулюе разумовую актыўнасць, але i развiвае здольнасць мыслiць крэатыўна.

Новы тэмп. Гэта практыкаванне можна выконваць у выхадны дзень. Калi вы звычайна ўсё робiце марудна, пастарайцеся паскорыць тэмп у 2 разы. Калi ж вы i хвiлiны не можаце пасядзець на месцы, прымусьце сябе ўсё рабiць няспешна. Гэта патрабуе вялiкай канцэнтрацыi.

Чытайце ўслых. Калi вы ў апошнi раз дазвалялi сабе такую раскошу? А мозгу такая дзейнасць надзвычай карысная: падчас чытання ўслых актывiзуецца столькi ўчасткаў кары галаўнога мозга, колькi нiколi не працуе пры чытаннi самому сабе.

Скажыце сабе: запомнi гэта! Напрыклад, калi вас пазнаёмiлi з чалавекам, прагаварыце самi сабе яго iмя i загадайце сабе яго запомнiць. Так вы неўсвядомлена пераведзяце гэту iнфармацыю ў статус больш важнай.

Знайдзiце матывацыю. Пастарайцеся ўявiць, чым чалавек, iмя якога трэба запомнiць, можа быць вам карысны ў будучынi. Пошук матывацыi будзе стымуляваць работу мозга, i запомнiць iмя будзе лягчэй.

Асацыюйце. Выберыце 10 нерухомых рэчаў у вашым доме або офiсе. Запомнiце iх у пэўнай паслядоўнасцi (для гэтага трэба выявiць заканамернасць). У будучынi, калi вам трэба будзе запомнiць якi-небудзь спiс, асацыюйце кожны пункт спiсу з гэтымi прадметамi. Калi трэба будзе ўспомнiць спiс, проста прайдзiцеся вачыма па 10 выбраных прадметах.

Вывучайце замежныя мовы. Гэта самым непасрэдным чынам актывiзуе памяць i развiвае асацыятыўнае мысленне. Стане лягчэй запамiнаць не толькi замежныя словы, але i факты са штодзённага жыцця, якiя раней патрабавалi пастаяннага напамiнання.

Запамiнайце нумары тэлефонаў. Для пачатку вывучыце нумары тэлефонаў тых, з кiм вы кантактуеце часцей за ўсё. Затым пачнiце запамiнаць нумары менш важных людзей. Паглядзiце на нумар, адвядзiце вочы, паўтарыце лiчбы самi сабе — i так да той пары, пакуль нумар канчаткова не адкладзецца ў памяцi. Надалей непатрэбныя тэлефоны з-за непатрэбнасцi забудуцца — i гэта нармальна. Галоўнае — пратрымаць у памяцi iнфармацыю хоць бы некалькi дзён.

Атрымлiвайце асалоду ад жыцця. Не бойцеся новых адчуванняў. Калi ваша жыццё цячэ адносна спакойнае, адпраўцеся ўплаў па горных рэках. Калi ж у звычайным жыццi вы стамiлiся ад шалёнага рытму i пастаяннага напружання, аддайце тыдзень i наладзьце сабе "свята бяздзейнасцi". Можна выехаць на прыроду, на дачу. Дарэчы, вось яшчэ адна скарбнiца нейрабiчных практыкаванняў. Капанне ў зямлi, догляд кветак i дрэў, праполка градак цудоўна ўпiсваюцца ў сiстэму нейробiкi.