Той самы Мюнхгаўзен?

Источник материала:

Ну i ну!

Карэспандэнту "Звязды" давялося пабачыць самога барона Мюнхгаўзена

15 лiпеня, у дзень Грунвальдскай бiтвы, сапраўды здараюцца гiстарычныя дзiвосы. Сапраўды, калi яшчэ давядзецца вярнуцца на некалькi стагоддзяў у мiнулае i пры гэтым яшчэ пабачыць знакамiтых людзей! Так здарылася i пазаўчора ў горадзе Глыбокiм Вiцебскай вобласцi, дзе карэспандэнт падчас тамтэйшага пахавальнага мерапрыемства выпадкова напаткаў на рэшткi нябожчыка Фердынанда Вiльгельма фон Мюнхгаўзена. Рэч у тым, што пры капаннi магiлы новаму нябожчыку, якая павiнна была знаходзiцца ля месца спачыну знакамiтага барона, выпадкова закранулi суседнюю i адтуль пачаў "выцiскацца" чэрап барона з нейкай дзiўнай сетачкай на галаве (трэба меркаваць, паводле моды таго часу). У дадатак барон, яшчэ "працягнуў" руку да свежага паветра.

Як мяркуюць Глыбоцкiя гiсторыкi, гэта, верагодна, недалёкi сваяк знакамiтага ўсiм нам вядомага vоn Мunсhhаusen'а, бо ён калiсьцi служыў у войску Вялiкага Княства Лiтоўскага i менавiта ад самага дзiўнага з Радзiвiлаў — Пане Каханку — ён набраўся ўсiх неверагодных баек, якiя пазней вылажыў у сваiх "Прыгодах". Адсюль i цалкам магчыма, што наслухаўшыся дзiўных расповедаў свайго сваяка пра мядзведзяў-залатнiкоў, аленяў з костачкамi i ўнiкальных метадах вядзення асады, многiя немцы, а тым больш ягоныя блiзкiя, маглi патрапiць на тэрыторыю Беларусi.

На жаль, больш часу правесцi з Мюнхгаўзенам не было магчымасцi, бо пахавальная працэсiя ўжо наблiзiлася да свежавыкапанай магiлы, а пасля невялiкай iмшы гэтае сенсацыйнае вiдовiшча засыпалi зямлёю. Цяпер сваяку знакамiтага барона яшчэ доўга "не бачыць" святла.