Будаўнiкi па зарплаце апярэджваюць артыстаў...

Источник материала:

Паводле звестак Мiнэканомiкi, сёлета ў студзенi-чэрвенi намiнальная сярэднямесячная зарплата работнiкаў у цэлым па рэспублiцы склала 957,2 тысячы рублёў, цi 342,2 долара ЗША i павялiчылася ў параўнаннi з адпаведным леташнiм перыядам на 17 працэнтаў, у тым лiку за чэрвень — 1014,8 тысячы рублёў, цi 358,8 долараў i павялiчылася ў параўнаннi з чэрвенем мiнулага года на 13,5 працэнта.  

У мiнiстэрстве адзначаюць, што зарплата работнiкаў арганiзацый прамысловасцi ў сёлетнiм чэрвенi дасягнула 382,1 долара, будаўнiцтва — 495,7, транспарту — 411,4, сувязi — 416,2 долара.

Сярэднямесячная зарплата работнiкаў сельскай гаспадаркi за шэсць месяцаў сёлета ў параўнаннi з адпаведным перыядам 2008 года павялiчылася на 28,4 працэнта i склала 640,3 тысячы рублёў, цi 228,9 долара, у тым лiку ў чэрвенi — на 21,8 працэнта i склала адпаведна 700,2 тысячы рублёў, цi 247,6 долара. У бюджэтных арганiзацыях намiнальная сярэднямесячная зарплата за першае паўгоддзе 2009 года склала 761,9 тысячы рублёў (272,4 долара) i павялiчылася ў параўнаннi з першым кварталам 2008 года на 12,2 працэнта, у тым лiку за чэрвень — 820,7 тысячы рублёў (290,2 долара) i павялiчылася ў параўнаннi з чэрвенем 2008 года на 11,5 працэнта.

Зарплата ўрачоў у сёлетнiм чэрвенi дасягнула 503,7 долара, настаўнiкаў — 298,9, прафесарска-выкладчыцкага складу — 654,5, артыстаў — 315,2 долара.

Сёлета ў чэрвенi ў параўнаннi з маем намiнальная налiчаная сярэднямесячная зарплата ў цэлым па рэспублiцы павялiчылася на 3,6 працэнта, а ў бюджэтных арганiзацыях — на 4,7. Рэальная зарплата ў цэлым па краiне ў студзенi-чэрвенi 2009 павысiлася ў параўнаннi з гэтымi леташнiмi месяцамi на 2,1 працэнта. За шэсць сёлетнiх месяцаў суадносiны намiнальнай налiчанай сярэднямесячнай зарплаты i мiнiмальнага спажывецкага бюджэту склалi 251,5 працэнта, у тым лiку ў чэрвенi — 261,6 працэнта.