Калi ў доме жыць болей нельга

Источник материала:

Кватэрнае пытанне

Класiфiкацыя надзвычайных сiтуацый прыроднага i тэхнагеннага характару дадзена ў Iнструкцыi, зацверджанай пастановай Мiнiстэрства па надзвычайных сiтуацыях Рэспублiкi Беларусь ад 19 лютага 2003 г. № 17. У прыватнасцi, да надзвычайных сiтуацый тэхнагеннага характару аднесены транспартныя аварыi (катастрофы), пажары, несправакаваныя выбухi або iх пагроза, аварыi з выкiдам (пагрозай выкiду) небяспечных хiмiчных, радыеактыўных, бiялагiчных рэчываў, раптоўнае разбурэнне збудаванняў i будынкаў, аварыi на iнжынерных сетках i збудаваннях жыццезабеспячэння, гiдрадынамiчныя аварыi на плацiнах, дамбах i iншых iнжынерных будынках.

Пад надзвычайнымi сiтуацыямi прыроднага характару разумеюцца небяспечныя геалагiчныя, метэаралагiчныя, гiдралагiчныя з'явы, дэградацыi грунтоў цi нетраў, прыродныя пажары, змяненне стану паветранага басейна, змяненне стану водных рэсурсаў i бiясферы i iнш.

Разгляд пытанняў прызнання жылых памяшканняў непрыдатнымi для пражывання або неадпаведнасцi iх санiтарным i тэхнiчным патрабаванням, што прад'яўляюцца да жылых памяшканняў, ускладаецца на пастаянна дзейную мiжведамасную камiсiю, якая ўтвараецца раённым, гарадскiм, раённым у горадзе выканаўчым цi распарадчым органам. Рашэнне аб прызнаннi жылога памяшкання непрыдатным для пражывання прымаецца ў вызначаным парадку на падставе матэрыялаў абследавання стану жылых памяшканняў.