Чавусы адрэзала ад свету

Источник материала:

Доўгi моцны дождж размыў аўтадарогi i падтапiў дамы ў раённым цэнтры Чавусы.

Транспартны рух спынены на трасе "Магiлёў—Чавусы": у раёне вёскi Вiлейка вялiкi размыў — прыкладна 4 метры ў даўжыню i 3 метры ў глыбiню. Падобныя размывы таксама на некалькiх аўтадарогах, у тым лiку i ў самiх Чавусах на вулiцы 60 гадоў СССР.

Не ўсе магiляўчане, якiя праводзiлi выхадныя днi на лецiшчах альбо ў вёсках, здолелi вярнуцца да пачатку працоўнага тыдня ў абласны цэнтр. Аўтамабiлi заварочвалi iнспектары ДАІ, якiя дбалi пра бяспеку людзей.

Па iнфармацыi МНС, у Чавускiм раёне ў панядзелак працавалi на лiквiдацыi наступстваў упартых дажджоў 13 адзiнак тэхнiкi.

— Мы падключылi ўсе сiлы, але моцныя патокi дажджавой вады не спыняюцца, — паведамiў старшыня Чавускага раённага Савета Аляксандр Чыканаў. — У райцэнтры падтоплена паўсотнi дамоў. Людзi самi ратуюцца, але i мы мяркуем, як iм дапамагчы: аказаць дапамогу альбо адразу перасяляць.

Пацярпела ад стыхіі аўтадарога Магілёў-Слаўгарад – у раёне вёскі Быстрык і перасячэня з аўтадарогай мяжа РФ-Віцебск-Гомель-мяжа Украіны. Рух па гэтых дарогах перакрыты.

Дождж пачаўся на Магiлёўшчыне ў нядзелю i без перапынку iшоў i ў панядзелак. З 24 лiпеня па ранiцу 27-га ў абласным цэнтры, паводле iнфармацыi метэаролагаў, выпала амаль паўтары нормы месячных ападкаў. Толькi за адну ноч з 26 на 27 лiпеня лiвень прынёс гораду больш за палову месячнай нормы ападкаў. Нешта падобнае, кажуць, назiралася ў абласным цэнтры ў лiпенi 1916 года.