Указ аб відэафіксацыі перавышэння хуткасці ўступіць у сілу 6 кастрычніка

Источник материала:

Пра гэта паведаміў сёння ў час оnline канферэнцыі на сайце БЕЛТА намеснік начальніка ўпраўлення ДАІ МУС Беларусі Максім Падбярозкін.

«Мы пачнем кіравацца правіламі ўказу № 454 праз тыдзень, 6 кастрычніка, і ў далейшым заканадаўства будзе пераведзена ў адпаведнасць з яго патрабаваннямі. Якасць пры відэафіксацыі даволі высокая, таму будзе добра распазнавацца не толькі нумарны знак і марка аўтамабіля, але і твар кіроўцы.

Паводле яго слоў, пасля вынясення пастановы аб прыцягненні да адміністрацыйнай адказнасці папера павінна быць накіравана ўласніку аўтамабіля. Калі высветліцца, што ў момант парушэння правілаў дарожнага руху ўладальнік з нейкіх прычынаў не распараджаўся транспартным сродкам, або аўтамабіля ў яго проста не было з прычыны злачыннага дзеяння (напрыклад, угону), законны ўладальнік павінен напісаць заяву, якая тычыцьтаго, што ў момант правапарушэння аўтамабілем кіраваў не ён. «Працэс у дачыненні да яго будзе спынены аўтаматычна і пачнецца ў дачыненні да таго, хто сапраўды кіраваў транспартным сродкам».