На песню Алеся Камоцкага знялі кліп

Источник материала:

На тэлеканале «Лад» знялі кліп на песню Алеся Камоцкага «Мітусня». Здымкі прайшлі ў рамках перадачы «Прасоўванне плюс».

Сам Алесь Камоцкі кліп яшчэ не бачыў. Нават не прымаў удзелу ў працы над ім. Бо падчас здымкаў бард знаходзіўся ў бальніцы.

Ідэя зрабіць такі відэа ролік прыйшла да Анатоля і Аксаны Вечароў. Яны і заняліся яе рэалізацыяй. «Сам бы я ніколі не ўзяўся за кліп, каб не яны, — прызнаецца Камоцкі. — Мая праца заключаецца ў іншым — ствараць музыку».

Кліп будзе першым паўнавартасным відэа на песню Алеся Камоцкага. Да гэтага было зроблена толькі некалькі анімацыйных ролікаў. Яго прэм"ера адбудзецца 17 студзеня ў перадачы «Прасоўванне плюс» у 23.25.