Фестываль "Be2gether": як ехаць і што браць

23.06.2010 14:01 — Новости Культуры |

Размер текста:: A; A; A

Источник материала:

Ужо ў пятніцу на пляцоўцы каля літоўскага замка Нарвілішкес адчыніцца чацвёрты міжнародны фестываль"Be2gether", на якім за тры дні выступяць больш за 50 артыстаў з розных краін свету. Час збіраць рэчы!

Расклад працы фестываля:

· Уваход у пасіўную зону фестываля (кемпінг, паркоўка) адчыняецца 25 чэрвеня (пятніца) у 10 гадзін раніцы.

· Уваход у актыўную зону фестываля (сцэны, забавы) адчыняецца 25 чэрвеня (пятніца) у 15 гадзін.

· Тэрыторыя фестываля (у тым ліку кемпінг і паркоўка) зачыняецца 28 чэрвеня (панядзелак) у 9 гадзін раніцы.

Што трэба браць

· Добры настрой – абавязкова!

· Дакументы: пашпарт, квіток, страхоўка асабістая і на машыну (плюс правы).

· Грошы ў літах – абмяняць можна ў Шальчынінкаі альбо Вільнюсе.

· Сотавы і зараднае – на пляцоўцы працуе беларуская сувязь без роўмінгу. Калі маеце аўтаматычны роўмінг, не забудзьцеся паставіць пошук сеткі ў ручны рэжым.

· Намёт і спальнік – пракату на месцы няма.

· Гумавыя боты і дажджавік – ёсць магчымасць дажджу.

· Цёплы швэдар – ноччу зараз не вельмі цёпла.

· Бярушы – канцэрты будуць адбывацца да позняй ночы і на кемпінгу іх чуваць.

· Лекі – калі прымаеце альбо часам маеце алергію.

· Сродак ад камароў – лішнім не будзе.

· У астатнім – не бярыце з сабой нічога, што будзе крыўдна страціць.

Што не трэба браць

У актыўную зону (дзе адбываюцца канцэрты) наведвальнікам фестываля у тым ліку нельга браць:

· Дрэнны і агрэсіўны настрой.

· Парасоны.

· Сцягі на дрэўцах.

· Вялікія сумкі.

· Прафесійныя і блізкія да іх фотаапараты.

· Аудыё- і відэаапаратуру за выключэннем плэераў.

· Жывёл.

Сваю ежу і напоі можна браць толькі ў пасіўную зону. На тэрыторыі актыўнай зоны арганізавана шмат кропак харчавання.

Выдаткі на фестывалі

· Кемпінг (месца для намёта, прыбіральня, душы, рукамыйніцы) – 15 літаў (з асобы на ўсе дні)

· Паркоўка для машыны – 20 літаў (з машыны на ўсе дні)

· Харчаванне ў актыўнай зоне – каля 20 літаў на адзін раз (але ўсё залежыць ад вашага апетыту).

Як даехаць

Прасцей за ўсё на машыне – дастаткова знайсці сабе добрую кампанію тут і падзяліць выдаткі на ўсіх. Адлегласць ад Мінска – 250 км праз Ліду і Шальчынінкай. Падрабязней чытайце тут.

Таксама можна ехаць цягніком ці аўтобусам да Вільнюса, а потым з цэнтральнага аўтавакзала (знаходзіцца праз дарогу ад чыгуначнага) на фестывальных аўтобусах (каштуюць каля 20 літаў) да Нарвілішкес (з перасадкай у Шальчынінкаі). Расклад руху фестывальных аўтобусаў глядзіце тут.

Дадатковая інфармацыя:

Поўны тэкст правілаў фестываля

Поўны расклад выступаў

План фестывальнай пляцоўкі

Відэа ўдзельнікаў фестываля

Квіткі:

Калі вы маеце шэнгенскую візу, вы яшчэ можаце набыць квіткі ў Мінску – на месцы яны будуць даражэй. Групавыя (ад 4 асобнікаў) – 185 тыс. руб., для студэнтаў – 200 тыс. руб. (па пасведчанні), для астатніх – 250 тыс. руб. Замова квіткоў і даведка па тэлефонах: (029) 6 5555 96, (033) 6 5555 96.

В блог

Чтобы разместить новость на сайте или в блоге скопируйте код:

На вашем ресурсе это будет выглядеть так

Фестываль "Be2gether": як ехаць і што браць

Ужо ў пятніцу на пляцоўцы каля літоўскага замка Нарвілішкес адчыніцца чацвёрты міжнародны фестываль"Be2gether", на якім за тры дні выступяць больш за 50 артыстаў з...