«Перазагрузка-2». «Воплі Відаплясава» — «Краіна мрой»

Источник материала:

Украінскі рок-гурт «Воплі Відоплясова» прэзентуе «Країну мрій» — адну з галоўных песень у сваёй 25-гадовай гісторыі — на беларускай мове. Удзел у праекце «Будзьма! Тузін. Перазагрузка-2» Алег Скрыпка каментуе так: «Я асабіста і ўвесь наш калектыў шчыра любім Беларусь і вельмі цэнім тое, што беларусы застаюцца такімі тонкімі і душэўнымі, не зважаючы на часовыя цяжкасці».

Пару год таму вядомы шоўмэн Алег Скрыпка пачаў актыўна імпартаваць беларускія гурты на этна-фэстываль «Країна мрій» ва Украіну. Далей — болей: ня так даўно музыка прызнаўся, што ён на чвэрць — беларус, выступіў у Беларусі з эксклюзіўным ды-джэй сэтам, а цяпер і сам запеў па-беларуску. У выніку «Країна мрій» стала «Краінай мрой».

«Воплі Відаплясава» — «Краіна мрой»
(муз. і сл.Алег Скрыпка, бел.тэкст — Андрэй Хадановіч)

Чуў я — ці мне сніцца парой,
Што існуе краіна мрой,
У той краіне расце дзівосны гай.
Гай той кожны можа знайсці —
Таямніцу чароўнасці,
Дасягнуўшы глыбіняў, разгадай!

Хай нясе мяне рака
Ў зачарованым чаўне,
Ў неба нясе,
Быццам ува сне.

Там шмат патаемных хадоў,
Што сягаюць былых гадоў,
Там жывёлы нябеснай дабрыні.
Не шукай ты на мапах яе,
Яна там, дзе шляхі твае
Да бясконцай імкнуць далечыні.

Нас нясе, нясе рака
Ў зачарованым чаўне,
Ў неба нясе,
Быццам ува сне.