У Галерэі Ў адкрываецца фінальная выстава VINYL TOYS SHOW

31 кастрычніка і 1 лістапада (панядзелак і аўторак) у мінскай Галерэі Ў адкрываецца фінальная выстава VINYL TOYS SHOW сусветна вядомых вінілавых цацак. На выставе будуць аб'яўлены выніку конкурсу на лепшы беларускі дызайн вінілавых цацак.

На двухдзённай выставе VINYL TOYS SHOW вы ўбачыце самыя лепшыя вінілавыя цацкі краіны, якія былі створаныя ў рамках адмысловага конкурсу. Цацкі з Мінска, Гомеля і Віцебска размаляваныя ў розных тэхніках, з рознымі сюжэтамі і эмоцыямі, але іх аб’ядноўвае адно: на сённяшні дзень – гэта адны з самых лепшых узораў візуал-арту Беларусі.

 

“Калі мы аб’яўлялі конкурс на лепшы дызайн вінілавых цацак, мы чакалі вялікай актыўнасці ад маладых ілюстратараў і дызайнераў, - расказвае адзін з арганізатараў VINYL TOYS SHOW Павел Лукашэвіч. – Так і атрымалася: на выніковай выставе прадстаўленыя вельмі дастойныя кастамы (г.зн. размаляваныя мадэлі) “вініла”. Якія з іх стануць найлепшымі – даведаемся на выставе, па выніках галасавання на TUT.BY.”
 

Цікава, што падчас беларускага туру выставы VINYL TOYS SHOW высветлілася: падобны, толькі ўсяпольскі, конкурс на лепшы дызайн вінілавай цацкі ў гэтыя ж дні ладзіцца ў Варшаве.

 

Запрашаем усіх ахвотных на выніковую выставу VINYL TOYS SHOW, якая адкрыецца ў мінскай Галерэі Ў (пр-т Незалежнасці, 37), 31 кастрычніка. Выстава працягнецца два дні. Час працы: з 11.00 па 22.00.
 

Дадатковая інфармацыя: http://www.urbanvinyl.by/vystava