Вам яўна нестае вады

Источник материала:

Арганізм адназначна "засушаны", наспела патрэба тэрмінова задумацца пра змену пітнога рэжыму, калі ў вас:

l сухая, схільная да лушчэння і ўтварэння маршчын скура;

l у роце часта перасыхае, губы трэскаюцца;

l вы не карыстаецеся туалетам, пакуль не вернецеся дадому пасля вучобы ці працы;

l пазногці слаяцца і ламаюцца;

l валасы сухія, ломкія, узмоцнена выпадаюць, кончыкі сякуцца;

l запоры — з'ява нярэдкая;

l ёсць боль у правым падрабрынні (яе прычыняюць камяні ў жоўцевым пузыры) і паяснічным аддзеле ("пясок" у нырках);

l суставы і пазваночнік паскрыпваюць падчас трэніровак, вы страчваеце гнуткасць;

l не сыходзіць лішняя вага;

l адзначаеце рассеянасць, раздражнёнасць, павышаную стомленасць.

У пітной справе нельга спадзявацца выключна на смагу, кажа валеолаг 23-й дзіцячай гарадской паліклінікі г. Мінска Алена ГАРНІЦКАЯ. Піць варта задоўга да таго, як захацелася. Калі ж мы прымушаем арганізм пакутаваць ад смагі, то парушаем абмен рэчываў і горш пазбаўляемся прадуктаў згарання тлушчу. Пры вазе 65 кг неабходна выпіваць 2 л вады.

Гарбата, кава, піва, віно толькі стымулююць работу нырак, спрыяюць страце вады. Нельга лічыць напоем і малако, якое, тым больш, не варта ўжываць з мяснымі прадуктамі. Рыбу і мяса можна запіваць кіслым сокам — грэйпфрутавым, апельсінавым, лімонным, гранатавым, яблычным, а таксама адварам шыпшыны, журавінавым морсам. Такую страву як плоў рэкамендуецца запіваць свежапрыгатаванай гарбатай і ні ў якім разе не халодным алкаголем.

Ягадка назаўжды

Рэгулярнае выкананне наступных рэкамендацый дапаможа вам як мага дольш заставацца маладой і здаровай.

ВОЧЫ.

l Памяшканне, у якім знаходзіцца камп'ютар, павінна быць не менш за 10 кв. м і пастаянна праветрывацца, каб забяспечыць прыток кіслароду да абалонкі вока.

l Крыніца святла не павінна адбівацца на экране.

l Не працуйце ў цемры.

l Кожныя 45 хвілін рабіце невялікі перапынак, выконвайце зарадку для вачэй.

l Ужывайце карысныя для вачэй вітаміны групы В (арэхі, збожжавыя, рыбу), вітамін А (моркву, таматы, лісцевую гародніну), калій (мёд, бананы), цынк (гародніну, грыбы) і вядома ж, вітамін С. Карысныя ў дадзеным выпадку семкі сланечніку, лімоны, чарніцы, кісель, праросткі пшаніцы.

СЭРЦА.

l Ужывайце 1-2 порцыі марской рыбы на тыдні.

l Водарная тэрапія для сасудаў мае на ўвазе ўдыханне водарных алеяў ядлоўцу, лімона.

l Карысная для папярэджвання атэрасклерозу ёга — шэраг практыкаванняў для дыхальнай сістэмы ўмацоўвае сценкі сасудаў. Седзячы на крэсле з прамой спінай энергічна выдыхніце праз нос, моцна сціснуўшы жывот. На ўдыху дазвольце паветру спакойна ўвайсці ў лёгкія. Выканайце 3 цыклы па 10 выдыхаў-удыхаў. Паміж імі дыхайце павольна і глыбока.

КОСЦІ.

l Здаровым людзям ва ўзросце да 65 гадоў патрабуецца 1000 мг кальцыю ў дзень. Гэта 100 г тварагу і 2 шклянкі малака. Самыя багатыя на кальцый прадукты — цвёрды сыр, тварог, ёгурт, міндаль, кунжут. Малако — добрая прапорцыя кальцыю і фосфару, а тлустая рыба, яйкі і крупы — багатыя на вітамін Д, які, як і фосфар, дапамагае засваенню кальцыю.

l Рабіце практыкаванні з гантэлямі. Нагрузку пры гэтым павінны атрымліваць усе косці. Пажадана рабіць такую фізкультуру праз дзень і неабавязкова працягла. Водныя заняткі косці не ўмацоўваюць.

МАЛОЧНАЯ ЗАЛОЗА.

l Ужывайце зяленіва, зялёную гародніну, цытрусавыя, усе віды капусты, фасолю. Усё гэта нейтралізуе канцэрагены і ў цэлым спрыяе жаночаму здароўю.

l Рэгулярна займайцеся фізкультурай. Фізічныя нагрузкі карысныя і з пункту гледжання гарманальнага статусу жанчыны.