Дыетолагі вітаюць стравы з кабачкоў

Источник материала:

Не захапляйцеся стравамі з кабачкоў, калі ў вас ёсць захворванні нырак, звязаныя з парушэннем вываду калію, нагадвае інструктар-валеолаг 18-й гарадской паліклінікі г. Мінска Галіна ЧЫРАК.

У 100 г кабачкоў змяшчаецца да 240 мг калію, а таксама ёсць натрый, кальцый, магній, фосфар, медзь, жалеза, арганічныя кіслоты, вітаміны С, групы В. Колькасць калорый — вельмі нізкая: у 100 г свежых кабачкоў — усяго 27 ккал. Такім чынам, ужыванне кабачкоў спрыяе прафілактыцы малакроўя, атэрасклерозу, паляпшае работу страўнікава-кішачнага тракту. Стравы з кабачкоў рэкамендуюцца пры хваробах страўніка, жоўцевага пузыра, 12-перснай кішкі, атлусценні, сардэчна-сасудзістых хваробах. У кабачках менш вады, чым у іншай гародніне з высокай доляй мінеральных соляў, а таму кабачковае пюрэ можна ўводзіць у рацыён малых адным з першых. З-за добрай засваяльнасці і малой колькасці расліннай клятчаткі няма абмежаванняў на ўжыванне кабачкоў падчас груднога кармлення.

Святлана БАРЫСЕНКА.