Тлустыя прадукты харчавання назапашваюць атрутныя злучэнні

Источник материала:

У мясе, рыбе і арахісавым масле можна знайсці сляды рэчыва, якое запавольвае гарэнне пластмас, перадае Dіscovery News. Гэтае злучэнне здольнае паўплываць на працу эндакрыннай сістэмы, на развіццё, пашкодзіць нервовую і рэпрадуктыўную сістэмы, справакаваць рак. З такім папярэджаннем выступіў Арнольд Шэктэр, супрацоўнік Тэхаскай школы грамадскага здароўя. Паводле яго слоў, ён ужо даўно знаходзіць розныя хімікаты ў прадуктах харчавання. Асабліва спецыяліста хвалююць злучэнні брому і хлору. Яны лёгка назапашваюцца ў тканках цела. Пры гэтым з такімі злучэннямі людзі пастаянна сутыкаюцца ва ўласным доме. Справа ў тым, што імі апрацоўваюць мэблю і розныя прадметы. А вось аналіз прадуктаў харчавання паказаў: звычайна хімічнае забруджванне назіралася ў тлустых прадуктах (злучэнні тлушчарасшчапляльныя). Самая вялікая канцэнтрацыя аказалася ў кансервах з сардзін, у свежым ласосі, арахісавым масле і цілапіі.