Упаў з чатырох метраў і разбіўся

13.08.2010 13:42 — ЧП |

Размер текста:: A; A; A

Источник материала:

У Столінскім раёне загінуў 59-гадовы мужчына, які ўпаў з лесвіцы падчас рамонту электраправодкі ў двары свайго дома.

Як паведаміў БелаПАН старшы следчы следчага аддзела пракуратуры Брэсцкай вобласці па Столінскім раёне Аляксандр Дзенісовіч, трагедыя адбылася 12 жніўня. Жыхар вёскі Угалец збіраўся ліквідаваць няспраўнасць у электраправодцы, у выніку якой хлеў застаўся абясточаным. У 19.30 цела мужчыны, які ўпаў з лесвіцы з вышыні прыкладна чатыры метры на бетонную дарожку, знайшлі сваякі. У пацярпелага была разбіта галава.

Дакладную прычыну смерці ўстановіць судова-медыцынская экспертыза. Праверку па факце гібелі жыхара Угальца праводзіць следчы аддзел пракуратуры Брэсцкай вобласці па Столінскім раёне.

Падзяліцца навіной:
БелаПАН