Адкуль самагонка? З лесу, вядома!

Источник материала:

Па 100 л брагі разам з самагоннымі апаратамі выявілі супрацоўнікі Гомельскага абласнога ўпраўлення дэпартамента аховы ў лясных масівах ля вёсак Міхедавічы Петрыкаўскага і Скароднае Ельскага раёнаў. Рэйдавыя мерапрыемствы па папярэджанні фактаў самагонаварэння праводзіліся сумесна з участковымі інспектарамі міліцыі. Усяго падчас праверак было выяўлена 20 фактаў захоўвання самаробнага алкаголю, знішчана 790 л самагоннай брагі.

Ірына АСТАШКЕВІЧ.

Каляровы метал прыцягвае?

8 зліткаў латуні масай 36 кг выкраў з прадпрыемства, на якім працуе, 56-гадовы слесар з Гомеля. Нанесеная шкода ацэньваецца ў суму Br525 тысяч. А вось невядомы грамадзянін спакусіўся на пераносную зазямляльную прыладу з меднага кабелю вартасцю Br740 тысяч. Яе злодзей выкраў непасрэдна з высокавольтнай лініі каля вёскі Антонаўка Калінкавіцкага раёна.

Ірына АСТАШКЕВІЧ.

Теги: Гомель