Памылілася
04.04.2012
—
ЧП
|
Адзінаццацігадовая мінчанка пажартавала з сяброўкі, адправіўшы ёй SMS пра забойства, але памылілася нумарам. Жартаўніца памылілася кодам аператара, і паведамленне ў 3.50 прыйшло пабочнаму чалавеку, паведамілі ў Партызанскім РУУС сталіцы. 1 красавіка школьніца вырашыла разыграць сваю сяброўку, якая год таму з бацькамі паехала жыць у ЗША, і адправіла ёй "смешнае" SMS-паведамленне. Дзяўчынка ўначы набрала тэкст на тэлефоне са словамі "Я закапаў труп, Касы, што рабіць далей?", адправіла яго сяброўцы і легла спаць. У гэты ж час у Мінску ў 3.50 ночы жанчыну разбудзіў званок тэлефона. Прачытаўшы атрыманае паведамленне, яна спужалася і разбудзіла мужа. Мужчына вырашыў паведаміць пра атрыманае SMS у міліцыю. Прыбыўшыя супрацоўнікі міліцыі ўдакладнілі абставіны таго, што адбылося, і нумар тэлефона адпраўшчыцы. У хуткім часе праваахоўнікі даведаліся і яе дакладны адрас. Па названым адрасе дзверы адчыніў мужчына, які не разумеў, чаму прыехала міліцыя. У ходзе разбору высветлілася, што паведамленне адправіла дзяўчынка, якая нават не падазравала, што памылілася нумарам. Бацькі доўга прасілі прабачэння і паабяцалі, што такога больш не паўторыцца. Праводзіцца праверка. Бацькі "жартаўніцы" могуць быць прыцягнуты да адміністрацыйнай адказнасці. Кар. БЕЛТА. Чтобы разместить новость на сайте или в блоге скопируйте код:
На вашем ресурсе это будет выглядеть так
Адзінаццацігадовая мінчанка пажартавала з сяброўкі, адправіўшы ёй SMS пра забойства, але памылілася нумарам. Жартаўніца памылілася кодам аператара, і паведамленне...
|
|