Дзякуючы пажарнаму апавяшчальніку выратавалі мужчыну

Источник материала:

Учора каля 22.30 жанчына з вёскі Шчыпанавічы пачула гук пажарнага апавяшчальніка, выглянула на вуліцу, а там з дома суседзяў ідзе дым.

Апавяшчальнік знаходзіўся не ў кватэры, а на знешнім баку дома. Таму суседцы было добра чуваць. Яна адразу ж выклікала выратавальнікаў, якія паспелі выратаваць гаспадара кватэры №2, дзе і пачаўся пажар.

Дом двухкватэрны. Жыхары кватэры №1 самі выйшлі на вуліцу, стаялі ды нечага чакалі, але ў МНС не званілі.

Пацярпелы гаспадар цяпер знаходзіцца ў рэанімацыі Ашмянскай ЦРБ. У яго вострае атручэнне прадуктамі гарэння.

Папярэдняя прычына пажару – неасцярожнае абыходжанне з агнём пры курэнні.

Пра здарэнне расказаў начальнік цэнтра прапаганды і навучання Гродзенскага абласнога ўпраўлення па надзвычайных сітуацыях Уладзімір Маслаў.

Настасся РОЎДА.

Фота retech.by