Заўтра па ўсёй краіне навальніцы, моцныя ліўні, а месцамі град

Источник материала:

Паводле прагнозаў Рэспубліканскага гідраметэацэнтра, у бліжэйшыя суткі, 17 жніўня, у Беларусі чакаецца пераменная воблачнасць.

Ноччу па захадзе, а днём на большай частцы тэрыторыі краіны пройдуць кароткачасовыя дажджы, навальніцы. У асобных раёнах моцныя ліўні, у дзённыя гадзіны месцамі град.

Вецер паўднёва-ўсходні 4–9 м/с, пры навальніцах шквалістае ўзмацненне ветру парывамі да 15–22 м/с, днём месцамі да 24 м/с. Тэмпература паветра ноччу плюс 17–23°С, днём ад 24°С па захадзе да 36°С па ўсходзе краіны.

У Мінску ў аўторак пераменная воблачнасць. Ноччу без істотных ападкаў, днём кароткачасовы дождж, навальніца. Вецер паўднёва-ўсходні 4–9 м/с, пры навальніцы месцамі па горадзе шквалістае ўзмацненне ветру парывамі да 15–20 м/с. Тэмпература паветра ноччу 20–22°С, днём 30–32°С.

У наступныя двое сутак, 18 і 19 жніўня, сіноптыкі прагназуюць воблачнае з праясненнямі надвор’е. 18 жніўня на большай частцы тэрыторыі краіны чакаюцца кароткачасовыя дажджы, месцамі навальніцы, у асобных раёнах моцныя дажджы. Вецер паўднёва-заходні, заходні 4–9 м/с, пры навальніцах месцамі парывы да 15–20 м/с. Тэмпература паветра ноччу плюс 16–23°С, днём 20–27°С, па ўсходзе 30°С.

19 жніўня ноччу месцамі, а днём на большай частцы тэрыторыі Беларусі прагназуюцца кароткачасовыя дажджы, у асобных раёнах навальніцы. Вецер заходні 4–9 м/с, пры навальніцах парывы да 14 м/с. Тэмпература паветра ноччу 10–17°С, днём 16–23°С.

У Мінску 18 жніўня чакаецца воблачна з праясненнямі. Кароткачасовы дождж, навальніца. Вецер паўднёва-заходні, заходні 4–9 м/с, пры навальніцы парывы 14 м/с. Тэмпература паветра ноччу 18–20°С, днём 22–24°С.