З-за аварыі ў Мінскім раёне без вады засталіся два прадпрыемствы

З-за аварыі ў Мінскім раёне без вады засталіся два прадпрыемствы — "Мінскае вытворчае гарбарнае аб'яднанне" і ТАА "Ісакідыс Гранітэс". Здарэнне адбылося ў 17.30 ў сераду, 31 жніўня. У прамысловай зоне ў пасёлку Гатава адбыўся прарыў трубаправода халоднага водазабеспячэння (дыяметр — 159 мм).

Адзначаецца, што тэхналагічны працэс на прадпрыемствах не быў парушаны. Мяркуецца, што наступствы аварыі ліквідуюць каля 14-й гадзіны 1 верасня, інфармуе прэс-служба МНС Мінскай вобласці.