У Брэсцкай вобласці падчас пажараў за суткі загінулі трое чалавек

У Брэсцкай вобласці падчас пажараў за суткі загінулі трое чалавек. Здарэнні адбыліся ў другой палове дня 13 снежня ў Івацэвіцкім, Ганцавіцкім і Лунінецкім раёнах.

Як інфармуе прэс-служба МНС Брэсцкай вобласці, у вёсцы Падстарынь Івацэвіцкага раёна адбылося ўзгаранне ў драўляным жылым доме. Каля ўваходных дзвярэй знайшлі труп 76-гадовага гаспадара. Не выключаецца, што прычынай пажару стала неасцярожнае абыходжанне з агнём з боку загінулага (выкарыстоўваў лёгкаўзгаральную вадкасць пры распальванні ацяпляльнай печы).

У Ганцавічах адбыўся пажар у аднапавярховым жылым доме, там таксама знайшлі труп мужчыны, яму было 66 гадоў. Мяркуецца, што пажар узнік на кухні з-за неасцярожнасці падчас курэння.

У вёсцы Багданаўка Лунінецкага раёна згарэў жылы драўляны дом. Падчас разбору завалаў знайшлі труп 90-гадовай жанчыны. Па адной з версій, узгаранне адбылося з-за вуглёў, якія выпалі з печы.