У Мастоўскім раёне ў рацэ патануў трактар. Знайшлі целы двух чалавек
12.12.2017 17:03
—
Разное
|
Фота: sk.gov.by 11 снежня міліцыянтам Мастоўскага РАУС паведамілі, што ў рацэ Шчара паміж вёскамі Дварок і Макары знойдзены трактар "Т-40" з прычэпам. Трактар належаў жыхару вёскі Курылавічы гэтага ж раёна. Выявілася, што напярэдадні гаспадар перадаў трактар у часовае карыстанне 57-гадоваму жыхару вёскі Макары, які мае пасведчанне трактарыста. Грамадзяне бачылі, як гэты мужчына паехаў на трактары з вёскі Дварок, адзначае Следча-аператыўна група па слядах шын аднавіла маршрут, якім трактар ехаў да ракі. Агляд месца здарэння праваахоўнікі працягнулі раніцай 12 снежня з удзелам работнікаў Мастоўскай ратавальнай станцыі РДГА "ОСВОД". Менавіта ратавальнікі і знайшлі ў вадзе мёртвага мужчыну, які напярэдадні кіраваў трактарам. Таксама праваахоўнікі атрымалі звесткі, што можа быць яшчэ адна ахвяра — 52-гадовы аднавясковец загінулага трактарыста. Ратавальнікі працягнулі пошукі і знайшлі цела другога мужчыны ў балоцістай мясцовасці недалёка ад вёскі Макары. Трактар і прычэп былі паднятыя з вады пры дапамозе спецыяльнай тэхнікі. Праверкай па гэтым факце займаецца Мастоўскі раённы аддзел Следчага камітэта. Прычыны смерці вяскоўцаў і магчымую наяўнасць алкаголю ў іх крыві высвятляе ўпраўленне Дзяржаўнага камітэта судовых экспертыз па Гродзенскай вобласці. Чтобы разместить новость на сайте или в блоге скопируйте код:
На вашем ресурсе это будет выглядеть так
Фота: sk.gov.by 11 снежня міліцыянтам Мастоўскага РАУС паведамілі, што ў рацэ Шчара паміж вёскамі Дварок і Макары знойдзены трактар "Т-40" з прычэпам. Трактар належаў...
|
|