Пад Крупкамі раварыст загінуў пад коламі аўто

ДТЗ з трагчіным вынікам адбылося 13 чэрвеня ў Крупскім раёне Міншчыны. Каля вёскі Стары Бобр прыкладна ў 22.45 кіроўца "Опель Астры" раз'язджаўся з сустрэчным аўто, якое яго асляпіла. Пры гэтым яго машына збіла раварыста, які ехаў у спадарожным напрамку, паведамляе прэс-служба УУС Мінаблвыканкама. 

У выніку ДТЗ неўсталяваны раварыст ад атрыманых траўмаў памёр у рэанімацыйным аддзяленне лякарні. 

Паведамляецца, што кіроўца аўтамабіля быў цвярозы. "Опель Астра" належыць не яму, тэхагляд машына не прайшла. Мужчына на працягу года чатыры разы прыцягваўся да адміністрацыйнай адказнасці. 

Асоба раварыста высвятляецца.