Музей пад адкрытым небам раскінуўся ля Пагародзенскага цэнтра культуры і народнай творчасці

Источник материала:

На пляцоўцы “Куточак малой Радзімы”супрацоўнікі Цэнтра вырашылі прадставіць для аднавяскоўцаў экспанаты з пакоя-музея “Тут Радзімы маёй пачатак”. Што ён дзейнічае, і дарослыя, і дзеці ведаюць. А заглянуць? Не ва ўсіх раней атрымлівалася. Многія гэта спісвалі на недахоп часу. А тут пад адкрытым небам вабяць вока дарагія рэчы. Справа не ў іх матэрыяльнай каштоўнасці, а ў духоўнай. Такімі ж прыладамі працы, посудам карысталіся і пагародзенскія прабабулі і прадзядулі. А дакрануцца да іх – дакрануцца да мінулага свайго роду, адчуць непарыўную повязь з продкамі.

Вось і паспяшаліся дзеці з матулямі ды бабулямі заглянуць на імправізаваны музей. “Вось такая люлька вісела ў хаце бабулі”. “Ой, а я нават спрабавала кудзелю прасці”. “Цікава. Такі чамаданчык я б з сабой прыхапіла”. Можна было падслухаць такую гутарку між вяскоўцамі.

Увесь дзень, пакудь дзейнічае выстава, на вуліцы ля Цэнтра радуе землякоў і музыка. Душэўная, лірычная, дарагая сэрцу. Бо свая, беларуская.