Жанчына ў Лунінцы ўчыніла бойку ў рэстаране і сарвала пагон з міліцыянта

На 33-гадовую жыхарку Лунінца пачалі крымінальную справу за хуліганства і за гвалт у дачыненні да супрацоўніка міліцыі, піша media-polesye.by. 
 
Жанчына адпачывала ў рэстаране СК "Юна" і пабілася з іншай наведвальніцай. Інфармацыю пра бойку атрымалі мясцовыя міліцыянты. Аднак у рэстаране яны жанчыну ўжо не заспелі. 

Затрымаць яе ўдалося на плошчы Прывакзальнай. Пры гэтым жанчына адбівалася ад міліцыянтаў, некалькі разоў стукнула па галаве камандзіру аддзялення ўзвода ППСМ, хапала яго за форменную куртку і сарвала пагон.

Максімальнае пакаранне, якое пагражаежанчыне, — шэсць гадоў пазбаўлення волі.