Асіповічы: коратка аб розным
21.12.2018
—
Разное
|
Народны ансамбль народнай песні “Вяселле” з Каўгароў заўтра ў 11.20 пазнаёміць са сваёй творчасцю тэлегледачоў перадачы “Спявае Беларусь” на канале “Беларусь 3”. У райпаліклініцы змяніліся тэлефонныя нумары: стол даведак — 26-276, выклік урача — 27-028; рэгістратура — 26-970, 27-779, 170. Абслугоўванне пацыентаў па платных паслугах часова будзе праводзіцца ў кабінеце № 25 (кабінет скрынінга). Даведкі па тэл. 77-382. “Гадзіна пасажыра” — прафілактычную акцыю з такой назвай правядзе РАУС 27 снежня з 15.20 да 16.20 на ст. Верайцы. У раённым гісторыка-краязнаўчым музеі дзейнічае абноўленая экспазіцыя мясцовага калекцыянера Аляксандра Аляксеенкі, якая ўключае вайсковы рыштунак, уніформу, асабістыя рэчы салдат Рабоча-сялянскай Чырвонай арміі, Узброеных сіл ЗША, Англіі, Японіі, Германіі. Забарона на аматарскую лоўлю рыбы ўведзена датычна Асіповіцкага вадасховішча. Прычына — нядобранадзейнасць вадаёма па апістархозе. Гэтым паразітарным захворваннем можа заразіцца і чалавек пры ўжыванні сырой, марожанай, недастаткова прасмажанай і слаба прасоленай рыбы. Падрабязнасці аб захворванні і апрацоўцы рыбы — у “АК” № 74 ад 02.10.2018 г. і на сайце “раёнкі”. Тавары навагодняга асартыменту шырока прадстаўлены ў кіёсках Асіповіцкага філіяла ААТ “Белсаюздрук”. Можна набыць сувенір з сімвалам года на любы густ — магніты, статуэткі, а таксама віншавальныя паштоўкі, разнастайныя ёлачныя ўпрыгажэнні. У асноўным павільёне дзейнічаюць зніжкі на прадукцыю УП “БелКукла”. 330 хлопчыкаў і дзяўчынак са школ горада і раёна будуць наведваць сваю ўстанову адукацыі і ў час зімовых канікул. Два дзясяткі аздараўленчых лагераў плануюць сваю работу на 26-29 снежня і 2-4 студзеня. Як і заўсёды, рабят чакае мноства цікавых і пазнавальных мерапрыемстваў, незабыўных сустрэч і яркіх уражанняў.
Чтобы разместить новость на сайте или в блоге скопируйте код:
На вашем ресурсе это будет выглядеть так
Народны ансамбль народнай песні “Вяселле” з Каўгароў заўтра ў 11.20 пазнаёміць са сваёй творчасцю тэлегледачоў перадачы “Спявае Беларусь” на канале “Беларусь...
|
|