П'яны мужчына ледзь не патануў на возеры ў Віцебску

У нядзелю, 23 чэрвеня, на пачатку дзявятай гадзіны раніцы віцебскім ратавальнікам затэлефанавала жанчына. Яна паведаміла, што на штучным вадаёме Сакольнікі па вуліцы 2-й Шавардзінаўскай тоне чалавек, інфармуе прэс-служба МНС.

Калі ратавальнікі прыбылі на месца здарэння, то пабачылі, што мужчыну з вадаёма ўжо дастаў старшым матрос-ратавальнік ОСВОД. Ратавальнікі разам з работнікам ОСВОД аказалі пацярпеламу першую даўрачэбную дапамогу і перадалі брыгадзе медыкаў. Пасля агляду мужчыну шпіталізавалі ў абласную клінічную лякарню з дыягназам стан пасля ўтаплення.

Пазней выявілася, што 30-гадовы мужчына купаўся ў вадаёме п'яным. Калі ён адплыў ад берага на 15 м, то пачаў тануць, бо не разлічыў свае сілы. Гэта пабачыў дзяжурны матрос ОСВОД і выратаваў яго.