Як 27-гадовы мінчук парваў кнігу заўваг і прапаноў (відэа)

Наведвальніку кавярні ў Цэнтральным раёне Мінска не спадабалася кава, і ён пачаў хуліганіць. Як інфармуе прэс-служба міліцыі, спачатку ён папрасіў кнігу, каб напісаць сваю заўвагу. Але калі яе яму прынеслі, мужчына пачаў размалёўваць старонкі і рваць іх.

Як вядома, кніга заўваг і прапаноў — гэта афіцыйны дакумент. За яе пашкоджанне ці знішчэнне пагражае крымінальная адказнасць. Адміністрацыя ўстановы звярнулася ў міліцыю.

Зламысніка знайшлі. Ён аказаўся адміністратарам адной з устаноў грамадскага харчавання. Раней яго неаднаразова прыцягвалі да крымінальнай адказнасці за маёмасныя злачынствы. Мужчына за крадзеж адбывае пакаранне ў выглядзе абмежавання волі без накіравання ў папраўчую ўстанову.

Цяпер яму пагражае новая крымінальная справа. Высветлілася, што ў момант хуліганства ён быў нецвярозы.