У ДУК «Ганцавіцкая раённая цэнтралізаваная бібліятэчная сістэма» не першы год праводзіцца акцыя «Падары бібліятэцы кнігу». Дзейнічае яна па такім прынцыпе: у дар ад чытача бібліятэка прымае прачытаныя і ужо непатрэбныя яму выданні, пасля чаго работнікі бібліятэчнай сістэмы правяраюць, ці ёсць дадзеныя кнігі ў іх фондзе, і калі такія маюцца, перадаюць іх у адну з сельскіх бібліятэк.
Дзякуючы акцыі фонд бібліятэкі рэгулярна папаўняецца новымі кнігамі. Так, у 2019 годзе ў фондзе бібліятэчнай сістэмы з’явілася 700 экзэмпляраў, у 2020 годзе – 475. Цэнтральная бібліятэка ад чытачоў палучыла 384 кнігі ў мінулым годзе і ўжо 133 у бягучым. Гэта выданні рознай накіраванасці: кнігі па псіхалогіі, дэтэктывы, праваслаўная літаратура, афарызмы, кнігі класічнай літаратуры, савецкага часу і іншыя.
Самымі актыўнымі чытачамі, якія дораць выданні, з’яўляюцца Іван Бобка, Аляксандр Цішук, Валянціна Нікіфарава, Таіса Шэндзер, Любоў Рагалінская, Наталля Сідарэвіч, Аксана Сіняўская.