Лукашэнка: Адносіны з Расіяй будуць выдатнымі, з Захадам — добрыя

Источник материала:

Адносіны Беларусі з ЕС, Расіяй і ЗША будуць паляпшацца, сцвярджае Аляксандр Лукашэнка.

«Адносіны з Расеяй будуць выдатнымі, і нават лепшымі, чым цяпер», — заявіў ён журналістам пасля галасавання на выбарчым участку № 1 Мінска.

Што датычыцца адносін з Еўрасаюзам, то, паводле яго словаў, «усё будзе залежаць ад таго, наколькі гэтага жадае ЕС».

«Жадаеце добрых стасункаў — ласкава просім,

мы гатовы супрацоўнічаць.

Але калі не пажадаеце, як папярэднія гады, мы вас прымушаць не можам», — дадаў ён.

Добрымі, на думку Лукашэнкі, будуць і адносіны Беларусі з ЗША. Адказваючы на пытанне, ці магчыма вяртанне ў Мінск амерыканскага пасла, ён заўважыў: «Гэта права пасла.

Калі хоча, хай вяртаецца».