Кiраўнiкi Visa спадзяюцца, што iх юбiлей у Беларусi не апошнi

Источник материала:

Мiжнародная плацежная сiстэма "VІSA" не баiцца наступу нацыянальнай сiстэмы "БелКарт":

— Наш вопыт паказвае, што пры iснаваннi нацыянальнай плацежнай сiстэмы паралельна з сiстэмамi "Visa", "MasterCard" i iншымi можа быць станоўчым момантам, а не адмоўным, бо гэта дазваляе ў цэлым развiваць цiкавасць да выкарыстання картак, i нашым галоўным канкурэнтам застаюцца наяўныя грошы, а не iншыя аператары карткавых сiстэм, — адзначыў на прэс-канферэнцыi з нагоды 15-гадовай прысутнасцi кампанii "Visa" на беларускiм рынку Джэральд Хокiнс, вiцэ-прэзiдэнт Visa CEMEA па пытаннях фiнансаў i тэхналогiй. — Мы вiтаем канкурэнцыю памiж карткавымi сiстэмамi. Мы верым, што "Visa" садзейнiчала i будзе садзейнiчаць развiццю плацежнай сiстэмы ў Беларусi, у нас вельмi добрыя стасункi з банкамi, мы з ахвотай дзелiмся нашымi ведамi i досведам у тэхналогii, iнфраструктуры, бяспецы плацяжоў.

Па звестках Нацбанка, на 1 лiпеня 2009 года агульная эмiсiя банкаўскiх картак у краiне склала 6,5 млн штук, з iх 89 % прыпадае на долю "Visa" i "MasterCard", а на долю "БелКарт" — толькi 11 %. Але да 2011 года, згодна з дзяржпраграмай мераў па развiццi плацежнай сiстэмы "БелКарт", банкi павiнны забяспечыць выкарыстанне картак "БелКарт" для выплаты зарплаты дзяржарганiзацый. I такi пераход паступова iдзе: калi на 1 красавiка 2009 года доля "БелКарт" была меншая за 9 % ("Visa" — 55 %, "MasterCard" — 36 %), то сёння яна павялiчылася, як вiдаць са звестак Нацбанка, да 11 %.

Адразу пасля прэс-канферэнцыi прадстаўнiкi кiраўнiцтва кампанii "Visa" паехалi на дзелавую сустрэчу ў Нацбанк, пра яе мэты i кола пытанняў Джэральд Хокiнс гаварыць не стаў, спаслаўшыся на канфiдэнцыйнасць, але выказаў упэўненасць, што "Visa" захавае свае пазiцыi на беларускiм рынку:

— Мы верым у развiццё карткавага бiзнэсу ў Беларусi i не думаем, што гэта наш апошнi вiзiт цi юбiлей. — Поспех сваёй кампанii спадар Хокiнс звязвае з назапашаным досведам:

— Я мяркую, што гэта нармальна, калi некаторыя краiны хочуць развiваць уласныя сiстэмы, тут Беларусь не ўнiкальная, так адбываецца паўсюль. Але, як правiла, нацыянальныя сiстэмы абмяжоўваюцца аперацыямi са здыманнем наяўных сродкаў i не ахоплiваюць тэрмiналы ў гандлёвых пунктах.