Казахстан адхрысціўся ад затрыманага ў Бангкоку самалёта

Источник материала:

Кіраўнік камітэта грамадзянскай авіяцыі Міністэрства транспарту Казахстана Радыльбек Адзімолда заявіў у панядзелак на брыфінгу ў Астане, што самалёт, затрыманы ў аэрапорце Бангкока са зброяй на борце, належыць адной з грузінскіх авіякампаній.

«Мы па сваёй лініі праверылі: самалёт належыць Грузіі, раней ён знаходзіўся ў рэестры Казахстана, але 7 кастрычніка 2009 г. быў прададзены грузінскай авіякампаніі і выведзены з рэестра Казахстана».

Паводле яго звестак, члены экіпажу затрыманага судна маюць казахстанскае грамадзянства.

«Экіпаж — наш , ‑‑ прызнаў Адзімолда.

Самалёт Іл‑76 (бартавы нумар 4L‑AWA) з амаль 40 тонамі зброі, у тым ліку ручнымі гранатамётам і пераноснымі зенітна‑ракетнымі комплексамі, быў затрыманы 12 снежня пасля дагляду ў аэрапорце Дон Мыанг ў Бангкоку, дзе прызямліўся для дазапраўкі.

Членам экіпажу прад’яўленыя абвінавачванні ў незаконным захоўванні зброі, паведамленні ілжывай інфармацыі аб характары грузу і спробе нелегальна правезці зброю праз тэрыторыю Тайланда.