АБЗАЦ

Источник материала:

У санаторыi "Беларусачка" персанал i адпачывальнiкi правялi цэлую ноч без вады i цяпла. Санаторый размешчаны ў пасёлку Ждановiчы. З-за кароткага замыкання ў электрашчытавой спынiлiся дзве глыбiнныя помпы. Без цяпла i вады 210 чалавек прасядзелi да ранiцы, пакуль не была лiквiдаваная паломка.

Цяжарная жанчына пацярпела пры сутыкненнi двух легкавых аўтамабiляў у Мiнску. Адна з машын рухалася па пр. Незалежнасцi з боку МКАД. Вадзiцель не справiўся з кiраваннем i выехаў на паласу сустрэчнага руху, дзе сутыкнуўся з iншай машынай. Вадзiцель першай машыны атрымаў цялесныя пашкоджаннi i быў дастаўлены ў бальнiцу. Жанчына-пасажыр другой машыны атрымала пералом ключыцы, ЧМТ, да ўсяго, у яе пачалося ўнутрыбрушное кровацячэнне, яе даставiлi ў хiрургiчнае аддзяленне.

За катаванне ўласных дзяцей асуджаны жыхар Баранавiчаў. Бацька траiх непаўналетнiх дзяцей, раней двойчы судзiмы за крадзяжы 36-гадовы мужчына, прызнаны вiнаватым у катаваннi сваiх дзяцей. У маi 2009 г. ён за нязначную правiннасць запальнiчкай прычынiў тэрмiчныя апёкi свайму 7-гадоваму сыну, якога затым пасадзiў на ланцуг у ванным пакоi. 8-гадовай дачцэ, якая спрабавала абаранiць брата, ён прычынiў апёкi недакуркам цыгарэты. Бацьку прызначана пакаранне ў выглядзе 3 гадоў i 8 месяцаў пазбаўлення волi ў калонii агульнага рэжыму. Прысуд можа быць абскарджаны.

Генеральны дырэктар Расiйскага футбольнага саюза Аляксей Сарокiн абнародаваў суму кантракта галоўнага трэнера зборнай Расii Гуса Хiдынка. Хiдынк атрымлiвае ў год 7 млн еўра "чыстымi", бо падаткi за яго плацiць расiйскi бок. Такiм чынам, ён з'яўляецца адным з самых высокааплатных настаўнiкаў нацыянальных камандаў свету. Больш атрымлiвае толькi трэнер зборнай Англii Фабiё Капэла.

У амерыканскiм Солт-Лэйк-Сiцi ва ўзросце 58 гадоў памёр Кiм Пiк, якi стаў прататыпам галоўнага героя фiльма "Чалавек дажджу". Кiм Пiк быў чалавекам з фенаменальнай памяццю, ён мог цалкам запомнiць кнiгу, прачытаўшы яе аднойчы, памятаў даслоўна каля 9 тыс. кнiг. Як паведамiлi сваякi Пiка, той памёр у шпiталi, куды быў дастаўлены пасля сардэчнага прыступу. Фiльм "Чалавек дажджу" (1988) атрымаў чатыры прэмii "Оскар" — за найлепшы фiльм, найлепшага рэжысёра, найлепшы сцэнар i найлепшага акцёра (Дастын Хофман).     ПОЎНЫ АБЗАЦ     Кiтайца, якi з'еў рэдкага тыгра, пасадзiлi на 12 гадоў. Кан Ваньнянь, жыхар вёскi на поўднi Кiтая, забiў i з'еў прадстаўнiка рэдкай пароды тыграў — iндакiтайскага тыгра, за што атрымаў 12 гадоў турмы: 10 гадоў — за забойства звера, яшчэ два — за незаконнае валоданне агнястрэльнай зброяй. Адзiны вядомы ў Кiтаi iндакiтайскi тыгр быў сфатаграфаваны ў 2007 годзе менавiта там, дзе Ваньнянь яго забiў. З таго часу, як кiтаец з'еў сваю здабычу, тыгра там нiхто больш не бачыў. Усяго ў свеце засталося каля 1 тыс. прадстаўнiкоў гэтага вiду.