Спецыялiзаваўся на сотавiках

Источник материала:

21-гадовы мiнчанiн, якога затрымалi супрацоўнiкi Цэнтральнага РУУС сталiцы, падазраецца як мiнiмум у 11 злачынствах, звязаных з крадзяжом мабiльных тэлефонаў.

Адшукаць злодзея, якога цягнула да чужых мабiльнiкаў, удалося, паводле звестак прэс-афiцэра Цэнтральнага РУУС Кацярыны Лiсоўскай, дзякуючы прыкметам, якiя запомнiлi пацярпелыя. Апошнiя, мiж iншым, станавiлiся ахвярамi злачынцы, у тым лiку i з-за сваёй бяспечнасцi. Так, у адным выпадку на рынку "Ждановiчы" зламыснiк завалодаў тэлефонам, якi стаяў на падзарадцы ў мужчынскай прыбiральнi: гаспадар адышоў па справах у кабiнку, а лаўкач скарыстаўся гэтым, каб прыхапiць сотавiк. У iншым выпадку на тым жа рынку злачынца папрасiў у наведвальнiка адной з закусачнай тэлефон, каб пазванiць. Даверлiвы чалавек не адмовiў незнаёмцу, а той выйшаў з закусачнай i знiк.

Мiж iншым, затрыманы — асоба ў мiлiцыi вядомая. Як выявiлася, першыя "непаразуменнi" з законам ён меў яшчэ ў дзевяцiгадовым узросце. Потым падлетак пайшоў, як кажуць, у "разнос" — на яго рахунку — крадзяжы i махлярствы.