Главная
Гороскопы
Быць беларусам: Ігар Гулюк
01.06.2010 09:54
—
Новости Общества
|
 Скончыўся травень, пачалося лета, але супольны праект і не прыпыніўся. Быць беларусам – што гэта значыць? Вызначыцца з гэтым паняццем мы прапануем вядомым у нашай краіне асобам: чыноўнікам, музыкам, спартоўцам, журналістам, бізнэсоўцам… Сёння прапануем вашай увазе анкету Ігара Гулюка, начальніка аддзела дакументацыйнага забеспячэння Дзяржаўнага мытнага камітэту Рэспублікі Беларусь. - Быць беларусам - што гэта значыць? Якое значэнне вы ўкладаеце ў слова беларус/беларуска? - Гэта значыць жыць жыццём сваёй краіны, дзе б ні жыў. Любіць і шанаваць сваю гісторыю, якая б яна ні была. - Якія унікальныя беларускія рысы характару і светагляду ўласцівыя беларусам? - На мой погляд, беларусы звычайныя еўрапейцы. Нам уласцівыя тыя ж рысы характару і светагляду, што і любому еўрапейскаму народу. Можа нейкія адметнасці беларусаў звязаныя з нашай гісторыяй, якая была не заўсёды шчаслівая. Беларуса гэта прымушала быць працавітым, ашчадным, разважлівым і цярплівым. - Назавіце тры/пяць асноўных падзеяў з гісторыі Беларусі, без ведання якіх - беларус не беларус. - Выданне першай беларускай кнігі Францішкам Скарынай. Статут ВКЛ 1588 года, у прадмове да якога Леў Сапега адзначаў: “Не чужой якой моваю, але сваёю ўласнай правы пісаныя маем”. Паўстанне Кастуся Каліноўскага з яго ідэяй дэмакратычнай народнай дзяржавы. Абвяшчэнне БНР, без якой бы не было і ССРБ, і БССР, і нашай Рэспублікі Беларусь. - Якія традыцыі павінен ведаць і захоўваць беларус? - Тыя, якія ведалі ці ведаюць родныя маці і бацька, бабулі і дзядулі і пра якія яны распавядалі. Гэта могуць быць як традыцыйныя святы, так і сямейныя. - Беларус без ведання беларускай мовы ці беларус? - Не, бо мова адметная рыса кожнай нацыі. - Чым беларускім вы ганарыцеся? - Гісторыяй, культурай, прыгожай мовай, таленавітымі людзьмі. - Што робіць нас беларусаў адметнымі сярод суседзяў? - Добразычлівасць, адсутнасць агрэсіўнасці ў адносінах да суседзяў на працягу ўсёй нашай гісторыі. - Што робіць беларусаў адметнымі ва ўсім свеце? - Духоўная і фізічная прыгажосць нашых людзей. - Як вы бачыце будучыню Беларусі? - Галоўнае - верыць у будучыню Беларусі. Наступную анкету чакайце заўтра, а пакуль - пішыце на форуме, што для вас значыць быць беларусам. Найбольш цікавыя допісы патрапяць у асобны – чытацкі – матэрыял. Чтобы разместить новость на сайте или в блоге скопируйте код:
На вашем ресурсе это будет выглядеть так
- Беларус без ведання беларускай мовы ці беларус? - Не, бо мова адметная рыса кожнай нацыі.
|
|