Гэтай восенню пакіньце сабе кавалачак лета...

Источник материала:

Восень ужо паспела сустрэць нас не толькі сонцам, але і праліўнымі дажджамі. Прыйшоў час схаваць на паліцах басаножкі і зручныя "в'етнамкі", мікра-шорты і доўгія сарафаны. Чым жа ў гэтым сезоне запаўняць свае шафы? Ці ёсць другі шанц у скураной курткі? Якую вопратку ствараюць беларускія дызайнеры і што іх натхняе? На ўсе гэтыя пытанні адказала Ганна Драгацэнная, у мінулым студэнтка БДАМ, а цяпер — паспяховы дызайнер.

— Ганна, скажы, стаць дызайнерам — мара дзяцінства? Ці, можа, бачыла сябе кім-небудзь яшчэ?

— Абсалютна не ўяўляю сябе за нейкай іншай работай. Мне здаецца, што шыць я любіла заўсёды. Памятаю, з сястрой пастаянна перакройвалі, перараблялі маміны ўборы. Яна вельмі злавалася, а нам так падабалася даваць некаторым рэчам новае жыццё, ствараць нешта прыгожае...

— З 2008 года я ўдзельнічала ў "Млыне моды". Гэты конкурс паслужыў добрым штуршком у модны свет, дзякуючы чаму са сваімі паказамі я пабывала ў Берліне, Бруселі, Празе, Вене, Вільні. Ды ўжо цяпер і не ўзгадаеш усіх тых еўрапейскіх гарадоў.

— Па прыгожае адзенне да мяне ідзе зусім розны народ, а таксама, што прыемна, зоркі беларускай эстрады. Напрыклад, я працавала з выканаўцамі Алёнай Ланской, Вольгай Рыжыкавай, групай "U-Lіfe".

— Складанае пытанне. Бо гэтае адчуванне, назавём яго так, прыходзіць нечакана, я б нават сказала, раптоўна. Гэта мімалётны парыў — ухапіўшы яго, імкнешся захаваць у сваім адзенні. На стварэнне вобразаў мяне падштурхоўваюць як людзі, так і разнастайныя прадметы.

— Я імкнуся ствараць такія ўборы, якія маглі б спадабацца калі не ўсім, то шмат каму. Некаторае адзенне падыходзіць для паўсядзённага жыцця. Аднак мая маленькая слабасць — вячэрнія і вясельныя строі.

— Я працую пераважна з натуральнымі тканінамі. Вельмі люблю шоўк, у асноўным выкарыстоўваю яго для вячэрніх убораў.

— Па сутнасці, прынцыпова новых трэндаў у сезоне "восень-зіма 2011-2012" на паказах заўважана не было. Дызайнеры проста трохі відазмянялі старыя матывы. Адносна свежай ідэяй сталі класічная чорна-чырвоная клетка на штанах, спадніцах, паліто — словам, усюды; і чырвоны колер. Я б параіла модніцам не праходзіць міма сукенак гэтага колеру і адну абавязкова набыць у свой гардэроб. 1940-я падарылі гэтаму сезону спадніцы да калена, тонкую гарнітурную палоску і прынты ў гарошак.

— З лета пакідайце ўборы з кветкавым прынтам, прычым малюнак можа быць любы — дробны ці буйны. Смела апранайце сукенкі, блузкі з каўнерыкамі — вобраз школьніцы сёння ў модзе. Спадніцы-максі таксама не адпраўляйце на верхнюю паліцу. З мінулага сезона "восень-зіма" да нас вяртаецца футра, як натуральны, так і штучны. А скураным паліто і курткам таксама не трэба вісець на вешалках.

— Я абавязкова апрану камбінезон. Яшчэ, як і любой дзяўчыне, часам хочацца надаць больш рамантычнасці свайму вобразу, таму я не змагла прайсці міма карункаў. А як пахаладае, вы абавязкова ўбачыце на мне футра.

Нам застаецца падзякаваць Ганне за добрую гутарку, а самім хутка бегчы па маленькую чырвоную сукенку.

Ірына Рабушка.