Гэта была не сажалка...
29.06.2012
—
Новости Общества
|
Пасля пісьма "...Мы з дзедам каровы не маем, сіл не хапае трымаць. Таму амаль кожны вечар я хаджу па малако да суседзяў. Вось і ў той раз выйшла з дому, прабіраюся па сцежцы ля платоў, бачу: ля суседняга двара стаяць незнаёмыя — двое мужчын і адна жанчына. Чую — размаўляюць, але не па-нашаму. Падыходжу бліжэй. Адзін на ломанай рускай мове пытаецца: — А чаму ў вас пасярод вуліцы сажалка?.. І ці ёсць тут рыба? — Гэта не сажалка, — адказваю, — проста калдобіна, дажджом вады наліло... — Дык што — тут машыны ездзяць? — здзіўляюцца госці. — А як жа, ездзяць..." Вось такі, можна сказаць, малюнак з натуры даслала ў рэдакцыю спадарыня Дубадзелава з вёскі Леніна Добрушскага раёна — даслала летась: ліст быў змешчаны на старонках "Звязды" 3 лютага. У адказ на гэтую публікацыю кіраўніцтва Добрушскага райвыканкама паведаміла, што правядзенне капітальнага рамонту дарожнага пакрыцця вуліцы прадугледжвалася ў рамках вырашэння праграмы "Адраджэнне і развіццё вёскі на 2005 — 2010 гады", аднак работы не былі праведзены з-за адсутнасці сродкаў... Сродкі — на вытворчасць праектна-пошукавых і пачатак будаўнічых работ у памеры 480 мільёнаў рублёў — выдаткаваны з абласнога бюджэту ў 2011-м годзе. Сёлета, у 2012-м (паводле новага ліста з Добрушскага райвыканкама) усе работы ў адпаведнасці з праектна-каштарыснай дакументацыяй завершаны: на вуліцы Жодзінскай і ў завулку Камсамольскім аграгарадка Леніна з'явілася новае асфальтавае пакрыццё. А гэта азначае, што просьбы людзей пачуты: "сажалкі" больш няма.
Чтобы разместить новость на сайте или в блоге скопируйте код:
На вашем ресурсе это будет выглядеть так
"...Мы з дзедам каровы не маем, сіл не хапае трымаць. Таму амаль кожны вечар я хаджу па малако да суседзяў. Вось і ў той раз выйшла з дому, прабіраюся па сцежцы ля...
|
|