Талент Маргарыты Федарук з Маларыты
21.02.2018
—
Новости Общества
|
Ва ўрачыстай абстаноўцы намеснік старшыні райвыканкама Вадзім Шпетны ўручыў матэрыяльную дапамогу Маргарыце Федарук як актыўнай удзельніцы мастацка-творчых мерапрыемстваў, якія праводзяцца ў рэспубліцы. Гэтае заахвочванне дзяўчынка атрымала ў адпаведнасці з распараджэннем Аляксандра Лукашэнкі, Прэзідэнта Рэспублікі Беларусь. Пазней Маргарыта атрымае і пасведчанне спецыяльнага фонду Прэзідэнта па падтрымцы таленавітай моладзі. – Вучні нашай установы не першы раз заахвочаны фондам па падтрымцы таленавітай моладзі, – гаворыць дырэктар Маларыцкай дзіцачай школы мастацтваў Ірына Пятрухіна. – У 2009 годзе гэта быў Пётр Манько (акардэон, настаўнік Вольга Бягеза). У 2014 годзе – Юлія Федарук, родная сястра Маргарыты (цымбалы, настаўнік Наталля Забеліна), а ў 2016 годзе – Вераніка Федарук, яшчэ адна сястра Маргарыты (фартэпіяна, настаўнік Маргарыта Рэянтовіч). Цяпер Вераніка і Юлія з’яўляюцца навучэнкамі Брэсцкага дзяржаўнага музычнага каледжа імя Рыгора Шырмы. Маргарыта Федарук вучыцца ў 6 “А” класе раённай гімназіі і адначасова з’яўляецца вучаніцай 5 класа дзіцячай школы мастацтваў па класе фартэпіяна ў настаўніцы Маргарыты Рэянтовіч. Дзяўчынка актыўна ўдзельнічае ў канцэртнай дзейнасці дзіцячай школы мастацтваў. Яна іграе ў фартэпіянным ансамблі “Сугучча”, наведвае заняткі па выбары “Асновы цыркавога мастацтва”… – У скарбонцы дасягненняў Маргарыты Федарук цяпер ужо ёсць тры перамогі на міжнародных музычных конкурсах, дванаццаць – на рэспубліканскіх, восем – на абласных, – кажа Маргарыта Рэянтовіч. – Нягледзячы на гэта, дзяўчынка не спыняецца на дасягнутым. Яна пастаянна ўдасканальвае сваё выканаўчае майстэрства, надаючы яму новыя рысы, адценні і адметнасці. Маргарыта Федарук паступова і ўпэўнена ідзе да сваёй мэты – стаць музыкантам аднаго са сталічных аркестраў ці артысткай. Мікалай НАВУМЧЫК. Чтобы разместить новость на сайте или в блоге скопируйте код:
На вашем ресурсе это будет выглядеть так
Ва ўрачыстай абстаноўцы намеснік старшыні райвыканкама Вадзім Шпетны ўручыў матэрыяльную дапамогу Маргарыце Федарук як актыўнай удзельніцы...
|
|