Самыя спартыўныя кіраўнікі – у Вязыні

Источник материала:

Ідуць спаборніцтвы па ўзніманні гіры.

12 студзеня на базе раённага фізкультурна-аздараўленчага цэнтра "Імпульс" і цэнтра фізкультурна-аздараўленчай работы "Сатурн” прайшла спартакіяда кіруючых работнікаў.

Пра спаборніцтвы “Рэгіянальнай газеце” паведаміў інструктар-метадыст фізкультурна-аздараўленчага цэнтра "Імпульс" Аляксандр Вайда. У спартакіядзе прынялі ўдзел сем камандаў: Вілейскага райвыканкама, аддзела культуры райвыканкама, Іжанскага, Ільянскага, Вязынскага, Асіпавіцкага і Любанскага сельсаветаў.

Яны спаборнічалі ў шасці відах спорту. Гэта камбінаваная эстафета, перацягванне каната, конкурс капітанаў, узніманне гіры, дартс, плаванне.

Найбольш азартнымі як для ўдзельнікаў, так і для гледачоў сталі камбінавая эстафета і перацягванне каната.

У камбінаванай эстафеце наймацнейшымі былі прадстаўнікі аддзела культуры. У перацягванні каната перамагла каманда Ільянскага сельсавета. 

У конкурсе капітанаў трэба было выканаць штрафныя кідкі ў баскетбольнае  кальцо. Найлепш з гэтым справіўся Кірыл Шынкевіч з Асіпавіцкага сельсавета.

У гіры (практыкаванне рывок) у камандным заліку першае месца за Ільянскім сельсаветам. Адпаведна яго прадстаўнік Уладзімір Вашанко перамог у асабовым заліку.

У дартсе ў камандным заліку першае і другое месцы падзялілі прадстаўнікі  Вязынскага і Асіпавіцкага сельсаветаў. У асабовым заліку вызначыліся ў мужчын Міхаіл

Гарбацэвіч з Вязынскага, а ў жанчын Таццяна Козел з Любанскага сельсаветаў. У эстафеце па плаванні перамаглі прадстаўнікі аддзела культуры.

Агульнакамандныя вы­нікі наступныя. 1-е месца – Вязынскі сельсавет, 2-е месца – аддзел культуры, 3-е месца – Ільянскі сельсавет.

Усе пераможцы і прызёры былі ўзнагароджаныя каштоўнымі прызамі і дыпломамі адпаведных ступеняў.

Аддзел інфармацыі.

Фота blogfastsaude.com.br.