42 тысячы удзельнікаў. Як пройдзе Мінскі паўмарафон у 2020 годзе

Арганізатары Мінскага паўмарафону ў 2020 годзе чакаюць 42 тыс. удзельнікаў. Аб гэтым паведаміў на прэс-канферэнцыі, прысвечанай афіцыйнаму старту рэгістрацыі на маючы адбыцца забег, старшыня БФЛА Вадзім Дзевятоўскі.

Фото sovrep.gov.by

Першы намеснік міністра спорту і турызму Вячаслаў Дурноў адзначыў, што Мінскі паўмарафон прыцягвае ўвагу жыхароў Беларусі і краін замежжа. “Бег з кожным годам карыстаецца ўсё большай папулярнасцю. Колькасць удзельнікаў расце. Думаю, рэгістрацыя сёлета завершыцца даволі хутка. Упэўнены, што на гэты раз мерапрыемства таксама прой-дзе з добрым настроем”, — дадаў ён. Старты на 5,5 км, 10,55 км і 21,097 км адбудуцца 13 верасня. Падаць заяўку можна на сайце паўмарафону. Анлайн-рэгістрацыя адкрыта да 12 верасня або да моманту дасягнення максімальнай колькасці ўдзельнікаў.

БелТА.