У Мюнхене будуць судзіць Івана Грознага

Источник материала:

Сёння ў Мюнхене пачынаецца судовы працэс над 89‑гадовым Іванам (Джонам) Дзем’янюком, які служыў у СС падчас Другой сусветнай вайны .У выпадку неспрыяльнага для Дзем’янюка выраку яго могуць прыгаварыць да 15 гадоў турмы, перадае радыёстанцыя «Эхо Москвы».

Іван Дзем’янюк (украінец паводле нацыянальнасці) служыў у Чырвонай арміі, на пачатку вайны патрапіў у палон да немцаў і перайшоў на іх бок, потым служыў у войсках службы аховы лагераў СС. Вядома, што ён быў ахоўнікам у канцлагерах Трэблінка, Сабібор і Майданэк на тэрыторыі Польшчы, а таксама ў нямецкім Флюсэборгу. Там были знішчаныя сотні тысяч людзей.

Дзем’янюк быў вядомы асаблівай жорствасцю, за што атрымаў мянушку Іван Грозны.

Пасля вайны ён пераехаў ў ЗША, дзе атрымаў новае грамадзянства і пашпарт. Дзем’янюка ўжо судзілі за ваенныя злачынствы ў Ізраілі і ЗША, пасля яго дэпартавалі ў Мюнхен. У верасні 2009 года Львоўская абласная рада прыняла зварот да прэзідэнта Украіны Віктара Юшчанкі і прэм’ер‑міністра Юліі Цімашэнка з просьбай заступіцца за Дзем’янюка. Сам падазраваны не прызнае сябе вінаватым.