Подзвіг мацярынства. 21.by

Подзвіг мацярынства

Размер текста:
A
A
A

  Леакадзія Ігнацьеўна ЖАШКЕВІЧ з Івянца нарадзіла і выхавала 9 дзяцей. Узнагароджана ордэнам “Мацярынская слава” II ступені, медалямі Мацярынства I і II ступеняў.

  Леакадзія Ігнацьеўна нарадзілася праз год пасля вайны ў вёсцы Яцкава. У сям’і ўжо падрастала старэйшая сястра, аднак эпідэмія тыфу забрала яе жыццё, хутка не стала і бацькі. Засталіся яны ўдзвюх з матуляй. Працавалі, як кажуць, да сёмага поту, трымалі вялікую гаспадарку. Маці лічылася перадавой свінаркай – выбіралася дэпутатам раённага, а пасля і абласнога ўзроўню, была вельмі мудрай і разважлівай ад прыроды.

  Аб тым, што ў яе будзе вялікая сям’я, Леакадзія Ігнацьеўна даведалася яшчэ ў дзявоцтве. Працавала ад леспрамгаса ў Вішневе: разам з іншымі дзяўчатамі грузілі дровы, жылі на кватэры. Аднойчы гаспадыня параіла ім звярнуцца да жанчыны, невялічкая хатка якой размяшчалася напрыканцы вёскі, – маўляў, даведаецеся пра сваю будучыню. Толькі зайшла яна на парог, а старая ўжо кажа: “О, шчаслівая: у цябе будзе многа дзяцей. І жыць ты будзеш добра, адразу цяжкавата, пакуль дзеці паднімуцца, а пасля ўсё ўладкуецца”.

  Так і атрымалася. Выйшла замуж за хлопца з вёскі Банькава. Фёдар аказаўся харошым мужам, працавітым, дбайным гаспадаром, старанным работнікам. У маладой сям’і пачалі нараджацца дзеткі. За дваццаць гадоў сумеснага жыцця на свет з’явіліся Рая, Анатоль, Святлана, Таццяна, Уладзімір, Дзмітрый, Вольга, Ірына і Ганна, самай старэйшай зараз 53 гады, а малодшай – 33. Кожны мае сваю сям’ю, цешаць сэрца бабулі 15 унукаў. Паўтарыць матулін подзвіг ніхто з іх не рашыўся: маюць па двое дзяцей і па аднаму. Даўно раз’ехаліся – хто ў Маскве, Мінску, хто – у Астраўцы, Бярозаўцы, Крычаве.

  З 1987 года вялікая сям’я Жашкевіч пражывае ў Івянцы: гаспадару ад Маладзечанскага леспрамгаса, дзе працаваў вадзіцелем, выдзелілі дом па вуліцы Лермантава. Засталіся ў гарпасёлку і трое дзяцей. Леакадзія Ігнацьеўна задаволена, што тут яны прыжыліся – суседзі клічуць паважліва: Ігнацьеўна і Фёдаравіч. Ніколі не было ім сорамна і за нашчадкаў,  тыя выраслі годнымі людзьмі. Матуля заўсёды вучыла іх працавітасці, дбаць і клапаціцца пра меншых браціка ці сястрычку, бо гадавалі адзін другога – ніхто дзіцячы садок не наведваў. Шмат дапамагала і маці гераіні аповеду, а калі надышла старасць, і ўвогуле пераехала да дачкі. Толькі дзякуючы яе парадам і падтрымцы, Л. І. Жашкевіч выхавала столькі дзяцей.

  Няма ўжо матулі, тры гады таму адышоў у вечнасць муж. Аднак сумаваць дарагому чалавеку дзеці не далі: цяпер у бацькоўскім доме жыве сярэдняя дачка з сям’ёй. Працуюць яны ў Мінску, а ўнучка з унукам знаходзяцца пад пільным вокам самай лепшай у свеце бабулі Лёдзі і не даюць ёй старэць душой.

Алена ЗАЛЕСКАЯ

Фота Сяргея БОБРЫКА

 
 
Чтобы разместить новость на сайте или в блоге скопируйте код:
На вашем ресурсе это будет выглядеть так
    Леакадзія Ігнацьеўна ЖАШКЕВІЧ з Івянца нарадзіла і выхавала 9 дзяцей. Узнагароджана ордэнам “Мацярынская слава” II ступені, медалямі Мацярынства I і II...
 
 
 


Архив (Новости Культуры)

21.by в социальных сетях

Свежие газеты

21.02.2019
Mir24.TV Belarus
Навiны Палесся
Полесская правда
Пинский Вестник
Гарадоцкi веснiк
Днепровская правда (Дуюровно)
Голас Сененшчыны
Герой працы
Газета Авангард
Новости Волковыска
Вороновская газета
Ивьевский край
Полымя
Lida.Info
Заря над Неманам
Светлы шлях
Единство
Новости Дзержинска
Нясвижскiя навiны
Слуцк Город
Смалявiцкi край
Маяк Преднепровья
Радзiма
Горецкий вестник
Савецкая вёска
Кировец
Голас Касцюкоушчыны
Асiповiцкi край
Новости Хотимска
Святло кастрычнiка (Мстиславль)
22.02.2019
Навiны Палесся
Полесская правда
Пинский Вестник
Двинская правда (Верхнедвинск)
Гарадоцкi веснiк
Чырвоны прамень
Клiч Радзiмы
Герой працы
Газета Авангард
Новости Волковыска
Вороновская газета
Lida.Info
Заря над Неманам
Светлы шлях
Единство
Новости Дзержинска
Нясвижскiя навiны
Смалявiцкi край
Маяк Преднепровья
Горецкий вестник
Савецкая вёска
Кировец
Голас Касцюкоушчыны
Асiповiцкi край
Новости Хотимска

© 2004-2018 21.by
Яндекс.Метрика