Главная
Гороскопы
Проста бліскуча выступіў на «Славянскім базары» ансамбль барабаншчыц «Экспрэсія» з Шуміліна
16.07.2019
—
Новости Культуры
|
Шуміліна на «Славянскім базары»
Плённым і яркім стаў удзел творчай каманды Шумілінскага раёна ў «Славянскім базары ў Віцебску-2019».
 “Экспрэсія”
Проста бліскуча выступіў ансамбль барабаншчыц «Экспрэсія» Шумілінскай дзіцячай школы мастацтваў. Кіраўнік ансамбля Кацярына Кузьміна можа па праву ганарыцца поспехам і разам з барабаншчыцамі патанаць у апладысментах – «Экспрэсія» атрымала адразу некалькі перамог.
Мы ўжо адзначалі, што шумілінскім барабаншчыцам было прадстаўлена права ўдзельнічаць у адкрыцці «Славянскага базару» і падняцці яго сцяга.
А 11 ліпеня адбыўся міжнародны фестываль-конкурс барабаншчыц і мажарэтак. Яркае маляўнічае шэсце прайшло ад плошчы Свабоды да плошчы Перамогі. Адзначым, што шэсце ўзначаліў народны духавы аркестр Шумілінскай дзіцячай школы мастацтваў.
 У міжнародным фестывалі-конкурсе барабаншчыц і мажарэтак прынялі ўдзел больш за 700 барабаншчыц (28 калектываў) з рэгіёнаў Віцебскай вобласці, а таксама з расійскіх гарадоў Вялікія Лукі, Бранск і Кімры. Адметна, што сёлета «Экспрэсія» была прадстаўлена двума саставамі: юніёркамі і міні-кадэткамі (на здымку ўверсе і ўнізе). Конкурс па традыцыі складаўся з дзвюх частак: «марш-парад» і «подыум». У «марш-парадзе» выступалі толькі юніёркі, і ім не было роўных. Заслужанае 1 месца.
У намінацыі «подыум» выступілі абодва саставы. І абодва аказаліся на п’едэстале: юніёркі – 3 месца, міні-кадэткі – 1. Такім удалым аказаўся дэбют у маленькіх шумілінскіх барабаншчыц.
 А юніёркі, дарэчы, удала дэбютавалі ў намінацыі «класічныя мажарэткі. Батэн». Прычым на кожны нумар дзяўчаты выходзілі ў новых прыгожых касцюмах. Усё гэта пры жаданні можна ўбачыць на ютуб-канале.
Аліна ПЯТРОВА.
Фота з адкрытых інтэрнэт-крыніц і архіва Шумілінскай ДШМ.
Чтобы разместить новость на сайте или в блоге скопируйте код:
На вашем ресурсе это будет выглядеть так
Шуміліна на «Славянскім базары» Плённым і яркім стаў удзел творчай каманды Шумілінскага раёна ў «Славянскім базары ў Віцебску-2019». “Экспрэсія” Проста...
|
|