Салігорац праверыў запалкай злучэнне газавага балона

Удзень 18 сакавіка ратавальнікі Салігорскага раёна атрымалі паведамленне, што ў лякарню трыпіў мужчына з вёскі Доўгае з тэрмічнымі апёкамі.  

Як выявілася, салігорац падлучыў газавы балон да рэдуктара газавай арматуры, а потым вырашыў запаленай запалкай праверыць герметычнасць злучэння. У выніку адбылася ўспышка газапаветранай сумесі. 

Мужчына атрымаў апёкі твару, абедзвюх рук 3-4-й ступені (10% цела) і быў шпіталізаваны. Паведамляецца, што ён знаходзіцца ў стане сярэдняй ступені цяжкасці.