Добрыя справы для добрых людзей
12.10.2017
—
Разное
|
Дар’я НІКАНЧУК. Фота аўтара і Ганны УСЦЬЯНЧЫК. Напрыканцы верасня на Жабінкаўшчыне прайшоў першы этап рэспубліканскай акцыі “Моладзь за бяспеку”, прымеркаванай да дня нараджэння Беларускай моладзевай грамадскай арганізацыі выратавальнікаў-пажарных. У яго рамках супрацоўнікі РАНС разам з актывістамі БМГАВП і БРСМ аказалі дапамогу тым жыхарам раёна, якія маюць у ёй патрэбу. Падчас першага этапу ўвага надавалася шматдзетным сем’ям, ветэранам Вялікай Айчыннай вайны, адзінокім пенсіянерам і інвалідам. Так, супрацоўнікі Жабінкаўскага РАНС, актывісты БРСМ першай гарадской школы разам са сваім педагогам-арганізатарам Яўгеніяй Дземідзюк, а таксама старшыня Ракітніцкага сельвыканкама Уладзімір Дземідзюк наведаліся да жыхароў вёскі Булькова Івана Дацкевіча і Кацярыны Клімук. Паэт-зямляк пры-знаўся, што пакуль сам спраўляецца з хатнімі справамі, але ўзрадаваўся гасцям і расказаў пра свой цікавы жыццёвы і творчы шлях. Выратавальнікі-пажарныя праверылі стан аўтаматычнага пажарнага апавяшчальніка і пячнога ацяплення ў хаце пенсіянера, а Іван Трафімавіч падарыў старшакласнікам свае зборнікі вершаў з уласным аўтографам.Ветліва сустрэла гасцей Кацярына Васільеўна Клімук, якая ў снежні адзначыць шаноўны юбілей – 90 гадоў. Яна шчодра пачаставала ўдзельнікаў акцыі спелай антонаўкай і падзялілася ўспамінамі пра ваенны час. Расказала, як у гады Вялікай Айчыннай вайны дапамагала параненым салдатам: рызыкуючы сваім жыццём, маладзенькая дзяўчына спяшалася да іх на поле бою. На ўсё жыццё вайна пакінула на целе жанчыны свае адмеціны – не раз мела сур’ёзныя раненні. Са слязьмі на вачах Кацярына Васільеўна распавядала, як жыла ў пасляваенныя гады, працавала, выхоўвала дзетак. Разам са старэнькай матуляй да гасцей вый-шла дачка Людміла. Яна звярнулася да прысутных з просьбай дапамагчы адрамантаваць дымаход. Дзвюм жанчынам шаноўнага ўзросту няпроста справіцца з гэтай задачай. У сваю чаргу супрацоўнікі РАНС праверылі пячное абсталяванне ў доме гасціннай гаспадыні. Чтобы разместить новость на сайте или в блоге скопируйте код:
На вашем ресурсе это будет выглядеть так
Дар’я НІКАНЧУК. Фота аўтара і Ганны УСЦЬЯНЧЫК. Напрыканцы верасня на Жабінкаўшчыне прайшоў першы этап рэспубліканскай акцыі “Моладзь за бяспеку”, прымеркаванай...
|
|